Ձեր վստահելի աղբյուրը

«Խաղաղության պայմանագիրը նրա մասին է, որպեսզի փորձենք համակեցություն ստեղծենք տարածաշրջանում Հայաստանի և Ադրբեջանի միջև և ո՛չ Հայաստանը, ո՛չ Ադրբեջանը տարածաշրջանային որևէ նկրտումներ չունենան միմյանց նկատմամբ»,- Հանրային հեռուստաընկերության «Հարցազրույց» հաղորդաշարի ժամանակ հայտարարեց ԱԽ քարտուղար Արմեն Գրիգորյանը:

Հարցին, թե «խաղաղության պայմանագրում» կա դրույթ միջանցքի մասին, Գրիգորյանը պատասխանեց.«Ադրբեջանցիները իրենց բանավոր խոսքում վստահեցնում են, որ ընդունում են Հայաստանի չորս սկզբունքները՝ սուվերենությունը, իրավազորությունը, փախադարձությունը և հավասարությունը, որը բացառում որևէ միջազգային տրամաբանություն:

ԱԽ քարտուղարը տեղեկացրեց, որ հունվարի 4-ին հայկական կողմը պատասխանել է «խաղաղության պայմանագրի» վերաբերյալ ադրբեջանական կողմի առաջարկներին։

«Հունվարի 4-ին հայկական կողմը պատասխանել է ադրբեջանական կողմի առաջարկներին։ Դրական դինամիկա կա, սակայն կան հարցեր, որոնց շուրջ բանավոր բանակցությունների ընթացքում համաձայնության էինք եկել, սակայն խաղաղության պայմանագրի տեքստում որոշակի հետընթացներ ենք տեսել»,-հայտնեց Գրիգորյանը։

Նա տեղեկացրեց, որ կողմերի միջև համաձայնություն կա, որ հունվարի վերջին դելիմիտացիայի հանձնաժողովները հանդիպեն։