Ձեր վստահելի աղբյուրը

«Սա բացարձակապես քաղաքական հետապնդում է կապված Արմեն Աշոտյանի քաղաքական գործունեության հետ, մանր վրեժխնդրություն»,-դատարանի դիմաց, որտեղ ընթանում է Արմեն Աշոտյանի դատավարությունը,  հայտնեց ՀՀԿ ԳՄ անդամ Էդուարդ Շարմազանովը։

Նրա խոսքով՝ նման շինծու գործերով փորձ է արվում վախ սերմանել ոչ այնքան ընդդիմադիր գործիչների, ուժերի, որքան հասարակության ընդդմադիր, ազգային հատվածի մոտ։

Հայտնելով, որ իրականում Արմեն Աշոտյանի դեմ քրեական գործ չկա, Էդուրադ Շաչմազանովն ասոց, որ եթե այն ընդամենը մեկ տոկոսով Սահմանադրության և օրենքին առնչվեր, ապա ընդհանրապես չէր հարիուցվի։

Նրա կարծիիքով՝ Նիկոլ Փաշինյանի մարզային այցերը միամտություն չեն, այլ ծրագրված քաղաքական շոու։

«Նպատակը՝ հանրությանն ամբողջությամբ նոր սպառողական օրակարգ հրամցնելն է, որպեսզի ազգային ուժերի, գործիչների, Առաքելական եկեղեցու կողմից առաջ տարվող կարևորագույն օրակարգը՝ Արցախի, հայրենիքի, պետության, ինքնիշխանության, հայակականության, քրիստոնեության օրակագը ստվերվի և առաջնային դառնա՝ ունիտազ կա, կախիչ կա օրակարգը։  Նիկոլ Փաշինյանի նպատակը հենց դա է, որ իրական՝ արցախյան, հայկական, Հայաստանի թուրքացման և ադրբեջանացման սպառնալիքի փոխարեն խոսենք իր երազած պետությունից և ժամանակաշրջանից, որտեղ էականը ոչ թե ոգեղենն է, գաղափարաբանությունը, այլ էականը ստամոքսն է, ունիտազը և կանալիզացիան»,- հայտարարեց Շարմազանովը։