Ձեր վստահելի աղբյուրը

«Դիտարկում եմ ոչ միայն այս երկու դեպքերի, այլև ընդհանրապես բոլոր հնարավոր դեպքերի համատեքստում, որովհետև որպես ՄԻՊ՝ ես չափազանց մտահոգիչ և դատապարտելի եմ գնահատում նշված իրավիճակը»,-կառավարության մուտքի դիմաց հայտարարեց ՄԻՊ Անահիտ Մանասյանը՝ անդրադառնալով Վարդենիսի զորամասում արձանագրված վերջին սպանություններին:

Նա հայտնեց, որ այդ և մի քանի այլ դեպքերով իր  ղեկավարած գրասենյակը հայտարարություն է տարածել։

Կարևորելով երկու ուղղությամբ պետության  գործիքակազմի կիրառումը՝ Մանասյանն ասաց. «Առաջինը՝ պետք է այս գործերի քննությունը պատշաճ մակարդակով իրականացվի, և երկրորդ՝ բացի դրանից՝ պետությունը պետք է ունենա այս երևույթների կանխարգելմանն ուղղված պատշաճ կառուցակարգեր:

Եթե մենք բանակում շարունակում ենք ունենալ նման մտահոգիչ և խիստ դատապարտելի դեպքեր, անկախ կոնկրետ դեպքի պայմաններում դրա պատճառներից, նշանակում է, որ մենք դեռևս որպես պետություն չենք կարողացել ամբողջական կառուցակարգեր և գործիքակազմեր ունենալ»։