Ձեր վստահելի աղբյուրը

«Այստեղ պեք է հասկանալ, որ մենք ունենք նաև ավելի լավ հայտնաբերում, մենք ամեն տարի ավելի շատ դեպքեր ենք հայտնաբերում և այս քաղաքականության շնորհիվ է, որ կկարողանանք նվազեցնել մահացածության բեռը»,-ասուլիսում հայտարարեց առողջապահության նախարար Անահիտ Ավանեսյանը՝ պատասխանելով Հայաստանում չարորակ նորագոյացություններով հիվանդացության դեպքերի աճի վերաբերյալ հարցին։

Նրա խոսքով, ողջ աշխարհում ոչ վարակիչ հիվանդությունների թվում չարորակ նորագոյություններից հիվանդության մասնաբաժնի աճ կա և Հայաստանն այդ տենդենցներից դուրս չի մնում։

«Կա հիվանդույան երիտասարդացում, որն ինչպես ամբողջ աշխարհի համատեքստին է համահունչ, այնպես էլ Հայաստանի։ Մեր նպատակն ու քաղաքականությունն է սկրինինգները, մինչև այդ՝ ռիսկի ֆակտորների նվազեցումը, որովհետև ոչ վարակիչ հիվանդություններով հիվանդանալու ռիսկը մեծանում է մարդու վարքից ելնելով»,-հայտնեց Անահիտ Ավանեսյանը։

Ասուլիսի ժամանակ հրապարակած հաղորդագրության մեջ ասվում է. «Իրականացված ախտորոշիչ, բուժական և կանխարգելման միջոցառումների արդյունքում սիրտանոթային համակարգի հիվանդությունների պատճառով մահվան դեպքերը 2022 թվականին նվազել է 14.1%-ով, իսկ 2023 թվականի հունվար-սեպտեմբեր ժամանակահատվածում, նախորդ տարվա նույն ժամանակահատվածի համեմատությամբ մահացությունը նվազեցնել շուրջ 13,5%-ով:

Չարորակ նորագոյացությունների վաղ հայտնաբերման և համալիր բուժման արդյունքում հնարավոր է եղել մեծացնել առաջին անգամ հայտնաբերվող դեպքերի թիվը և դրան զուգընթաց նվազեցնել մահացությունը, մասնավորապես՝ 2022 թվականին առաջին անգամ հայտնաբբերված դեպքերի թիվը աճել է 10,5%-ով, իսկ մահացությունը նվազել է 3,4%-ով։ 2023 թվականի հունվար-սեպտեմբեր ժամանակահատվածում, նախորդ տարվա նույն
ժամանակահատվածի համեմատությամբ առաջին անգամ հայտնաբերված դեպքերի թիվը աճել է 3%-ով, իսկ մահացությունը նվազել է 0,5%-ով։
2023 թվականին շարունակվել է 2021 թվականից մեկնարկած կրծքագեղձի քաղցկեղի կանխարգելման և վաղ հայտնաբերման սքրինինգային ծրագիրը` ընդգրկելով Լոռի, Տավուշ, Սյունիք, Շիրակ մարզերը: Կատարվել է 26.238 հետազոտություն, 1584 կին ուղեգրվել է լրացուցիչ անվճար հետազոտությունների, 261-ի մոտ ախտորոշվել է կրծքագեղձի քաղցկեղ: Ծրագրի նպատակն է կայունացնել և տարեկան առնվազն 1,5%-ով նվազեցնել կրծքագեղձի քաղցկեղի հետևանքով վաղաժամ մահացությունը:
Կոլոռեկտալ քաղցկեղի վաղ հայտնաբերման սքրինինգային փորձարարական ծրագրի շրջանակում անվճար իրականացվել է 1850 հետազոտություն, 111 քաղաքացու մոտ դիտվել է դրական արդյունք, 77 քաղաքացի ուղղորդվել է կոլոնոսկոպիկ հետազոտության:
Մահացության նվազում է արձանագրվել է գրեթե բոլոր հիվանդություններից։ Այս շարքում պետք է առանձնացնել նաև շաքարային դիաբետից մահացության նվազումը։ Եթե 2015 թվականին հանրապետությում հաշվառված է եղել շուրջ 77. 000 շաքարային դիաբետով անձ, այդ ժամանակահատվածում մահացությունը բացարձակ թվերով կազմել է 1276, ապա 2022 թվականին հաշվառված շուրջ 115 000 հիվանդների պարագայում մահացությունը բացարձակ թվերով կազմում է 371։ Շաքարայն դիաբետով հիվանդների շրջանում մահացության նման նվազումը պամանավորված է լիարժեք դեղապահովման ծրագրով»։