Ձեր վստահելի աղբյուրը

Թուրքական իշխանությունները մտադիր են ակտիվացնել դիվանագիտական ջանքերը՝ հակազդելու Քրդստանի բանվորական կուսակցությանը, որի զինյալները վերջին օրերին մի քանի հարձակումներ են իրականացրել Հյուսիսային Իրաքում թուրք զինվորականների վրա։ Այս մասին հայտնում է Hürriyet թերթը՝ նշելով, որ «դիվանագիտական գրոհը» կձեռնարկեն Թուրքիայի առաջնորդ Ռեջեփ Թայիփ Էրդողանը և արտգործնախարար Հաքան Ֆիդանը։ Հրապարակումը հատուկ չի նշում այն երկրներին, որոնց հետ թուրք առաջնորդները մտադիր են բանակցել, սակայն պարզ է դառնում, որ խոսքը հիմնականում ԱՄՆ-ի և Անկարայի ՆԱՏՕ-ի դաշնակիցների մասին է, որոնց նա բազմիցս մեղադրել է ՔԲԿ-ին, հիմնականում՝ սիրիական ճյուղին՝ «Ժողովրդական պաշտպանության ուժերին» աջակցելու, մարզում և զենք մատակարարելու մեջ։

Hürriyet-ը չի բացառում, որ թուրքական բանակի վրա հարձակումների հետևում կանգնած են ԱՄՆ-ն և Իսրայելը, որոնք, օգտագործելով ՔԲԿ-ն, պատասխանում են Գազայի ճգնաժամը կարգավորելու Թուրքիայի դիվանագիտական գործունեությանը։ Իսրայելի հետ կապված, թերթը պնդում է, որ սա նաև «պատասխանն է Թուրքիայում Մոսադի դեմ իրականացված գործողություններին»: Թուրքիայում ձերբակալվել են Իսրայելի արտաքին հետախուզության տասնյակ գործակալներ, որոնք, ի թիվս այլ բաների, նախապատրաստում էին պաղեստինցիների առևանգումները:

ՏԱՍՍ-ը գրում է, որ հոդվածոըւմ նշվում է, թե դիվանագիտական գործունեությանը զուգահեռ, գրում է թերթը, Թուրքիան կուժեղացնի իր հակազդեցությունը ՔԲԿ-ին և ԻՊ-ին իր տարածքում՝ հարևան Իրաքում և Սիրիայում, կամրապնդի իր առաջապահ բազաները ։ Այս համատեքստում է, որ պետք է դիտարկել անցյալ շաբաթ օրը անվտանգության հանդիպման ժամանակ արած Էրդողանի հայտարարությունը, երբ նա ասել է, որ «Թուրքիան թույլ չի տա ահաբեկչական պետության ստեղծումն իր սահմանների մոտ։