![](https://panorama.am/news_images/984/2951935_1/419668965_680730070902697_7503240579284615744_n.thumb.jpg)
Արմավիրի քաղաքապետ է ընտրվել Վարշամ Սարգսյանը
Արմավիրի համայնքապետարանի նիստերի դահլիճում այսօր տեղի է ունեցել Արմավիր համայնքի ավագանու հինգերորդ նստաշրջանի թիվ 1 արտահերթ նիստը, որի օրակարգում ներառված է եղել Հայաստանի Հանրապետության Արմավիրի մարզի Արմավիր համայնքի ղեկավարի արտահերթ ընտրություն անցկացնելու մասին հարցը։
Նիստին մասնակցել են ավագանու 27 անդամներից 23-ը։
Արմավիրի համայնքապետարանից հայտնում են, որ ավագանու 23 կողմ , 0 դեմ քվեարկության արդյունքով Արմավիր համայնքի ղեկավարի թեկնածու առաջադրված Վարշամ Լյովայի Սարգսյանն ընտրվեց Արմավիր համայնքի ղեկավար։
Հաջորդիվ, ավագանու համապատասխան որոշմամբ, Արմավիր համայնքի նորընտիր ղեկավարի լիազորությունների ստանձնման օր սահմանվեց 2024 թվականի հունվարի 18-ը։
Վարշամ Սարգսյանը եղել է համայնքի ղեկավարի առաջին տեղակալը, նրա թեկնածությունն Արմավիր համայնքի ղեկավարի պաշտոնում առաջադրել էր ավագանու «Քաղաքացիական պայմանագիր» խմբակցությունը։
Արմավիրի քաղաքապետ Դավիթ Խուդաթյանն ազատվել էր պաշտոնից՝ նշանակվելով Արմավիրի մարզպետ։
Հարակից հրապարակումներ`
- ՔՊ-ն Արմավիրի քաղաքապետի պաշտոնում առաջադրել է Վարշամ Սարգսյանին
- Դավիթ Խուդաթյանը կնշանակվի Արմավիրի մարզպետ
- Արմավիրի մարզպետը Սահմանադրության խախտմամբ է ազատվել աշխատանքից.Էդգար Ղազարյան
- Արմավիրի մարզպետ Էդուարդ Հովհաննիսյանն ազատվել է պաշտոնից
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան