Ձեր վստահելի աղբյուրը

Օրերս եռման սուրճը վրան թափվելուց հետո տնային պայմաններում սխալ բուժման հետևանքով Հայաստանում 1.5 ամյա երեխա էր մահացել։ 

Դեպքը տեղի է ունեցել հունվարի 8-ին. երեխայի վրա տանը եռման սուրճ են թափել: Ծնողները փորձել են տնային պայմաններում «բուժել»՝ անհայտ ծագման քսուք են քսել այրվածքների վրա և չեն դիմել բժշկի։

ԱՆ այրվածքաբանության գծով խորհրդատու Կարինե Բաբայանը ներկայացնում է մի քանի խորհուրդ, թե ինչ պետք է և ինչպ պետք չէ անել ահրվածքների դեպքում

.Հեռացրե՛ք այրվածք ստացածին ջերմության ազդեցությունից:
. Սառեցրե՛ք այրվածքային մակերսը. լվացե՛ք պաղ, բայց ոչ սառը ջրով 10-20 րոպեների ընթացքում։
. Զգույշ հանե՛ք հագուստը, զարդերը կամ սեղմող իրերը` հետագայում այտուցվելու դեպքում սեղմումից խուսափելու համար։
. Ծածկե՛ք այրվածքի մակերեսը` կիրառելով ստերիլ բինտ կամ մաքուր բամբակյա կտոր։
. Ցավը մեղմացնելու համար կիրառե՛ք ցավազրկողներ:
. Հետևե՛ք վերքային մակերեսի հիգիենային։
. Դիմե՛ք բժշկի, հատկապես երբ առկա է ափի մակերեսից ավելի կամ խորը ախտահարում։

Ի՞նչ չի կարելի անել այրվածքի դեպքում
.Մի՛ կիրառեք բամբակ, քանի որ թելերը կմնան վերքային մակերեսին:
.Մի՛ դրե՛ք սառույց, այն լրացուցիչ վնասելու է մաշկը։
.Մի՛ բացեք բշտերը` վարակի ներթափանցման չնպաստելու համար:
.Մի՛ քսեք կարագ, ճարպեր կամ այլ միջոցներ` առանց բժշկի հետ խորհրդակցելու։
.Մի՛ հանեք այրված մակերեսին կպած հագուստը, այն կարող է լրացուցիչ վնասել մաշկը։
.Մի փորձե՛ք բուժել այրվածքը ինքնուրույն, դա կարող է հանգեցնել վիճակի վատթարացման և առաջացնել վտանգավոր բարդություններ, ընդհուպ՝ մահ։