Ձեր վստահելի աղբյուրը

«Պետությունը գրեթե ոչ մի շոշափելի աջակցություն չի տրամադրել գյուղացուն՝ գյուղատնտեսական աշխատանքներն իրականացնելու համար, հիմա էլ հազարավոր գյուղացիներ չեն կարողանում իրացնել իրենց մշակած ու պահեստավորած հազարավոր տոննաներով բերքը , հատկապես՝ խնդիրը վերաբերում է կարտոֆիլի և կաղամբի իրացմանը։ Բազմիցս բարձրաձայնել եմ այս հարցերը, սակայն դրանք մնում են չլուծված պետական մարմինների անտարբերության հետևանքով։ Հարցս պարզ է ՝ ինչ աջակցություն է Կառավարությունը պատրաստվում տրամադրել խնդրի լուծման ուղղությամբ»,- ԱԺ -ում հարց ու պատասխանի ընթացքում բարձրաձայնեց պատգամավոր Արման Ղազարյանը։

«Նախկինում, որպես պատգամավոր,  կարտոֆիլի, կաղամբի և բերքի սպառման հետ կապված խնդրի հետ բախվել եմ ապրիլի վերջին, մայիսի սկզբին։ Երբ հունվարի սկզբին ասում են, որ կարտոֆիլը չի սպառվել, կներեք, կարտոֆիլի սպառման սեզոնը պետք է որ նոր սկսած լինի։ Այսինքն՝ պահեստավորված կարտոֆիլը նոր պետք է սպառվի»,- ԱԺ-ում ասաց Նիկոլ Փաշինյանը՝ պատասխանելով կարտոֆիլի սպառման հետ կապված խնդիրներին վերաբերող հարցին։

«Խորը ձմեռ է, կարտոֆիլի սպառման հորիզոնը դեռ առջևում է։ Ձեր ահազանգը հաշվի առնելով՝ փորձենք հասկանալ, թե ինչումն է խնդիրը։ Ես նաև Գեղարքունիքի մարզպետի են հանձնարարական տվել, որպեսզի առարկայական հարցը ներկայցնեն»,- հավելեց Փաշինյանը՝ հստակ լուծում ճանապարհ չնշելով։