Մեր մոտ այնպիսին փնթի վիճակ է, որ չեն կարողանում կարմիր գիծը դարձնեն կապույտ կամ՝ հակառակը. Տիգրան Քեյան
Տիգրան Ավինյանի մամուլի խոսնակ Հայկ Կոստանյանը գրել էր, որ ս.թ. հունվարի 1-ից10-ը ավտոկայանատեղիների համար սահմանված Ա և Բ գոտիների այն հատվածներում, որտեղ ցուցանակներ չեն եղել, նշված հատվածներում կայանված մեքենաների վարորդները չեն տուգանվի: Գործող կարգավորումների համաձայն, իրավասու մարմիններն իրավունք էլ չունեն տուգանել այն մեքենաների վարորդներին, որոնք կայանել են ճանապարհի տարբերանշան չունեցող հատվածներում։ Հայտարարության իրավական կողմը մեկնաբանելու համար Panorama.am-ը դիմեց «Վարորդի ընկեր» ԻՀԿ նախագահ Տիգրան Քեյանին։
«Վճարովի կայանատեղիների ցուցանակներ կան, այլ հարց է գոտիականությունը, քանի որ այն այլ կարգ է։ Ինչքան տեղյակ եմ, գոտիականության մասով օրենքում փոփոխություններ արված չեն, միայն փոփոխություններ են կատարել տուրքերի գանձման համակարգում, իսկ կայանատեղիների մասով նման փոփոխություն չկա, որ Ա գոտու կամ Բ գոտու ցուցանակներ պետք է լինեն, բայց պարզվում է դրանով պետք է կարգավորեն։ Այստեղ խոսքը գնում է գոտիների ցուցանակների բացակայության մասին։
Պետք է, որ գոտիականության հետ կապված կարմիր գույն ասվածը երկու գույներով ներկվեին, բայց քանի որ մեր մոտ այնպիսին փնթի վիճակ է, որ չեն կարողանում կարմիրը դարձնեն կապույտ կամ հակառակը, դրա համար որոշել են ճանապարհային նշաններով կարգավորեն գոտիները, որն ավելի շատ շփոթության մեջ է դնելու և վարորդներն այդ նշաններին չի նայելու, կանգնելու է։
Զարգացած բոլոր երկրներում եթե մտածել են, որ գույների բաժանումով ավելի հեշտ կտարանջատեն կայանատեղիների վճարման չափերն, ապա կարծում եմ, որ այն տարիների փորձ է և դրանով ավելի ճիշտ կլինի, մեր մոտ էլ պետք է այդպես լիներ։
Մյուս կողմից էլ Հայաստանում ոչ թե տարեկան վճարներ պետք է լինի, այլ ձևով պետք է լինի։ Օրինակի, ես չգիտեմ արտասահմանյան հեռախոսահամարները կարող են 10-45-ին հաղորդագրություն ուղարկեն։ Ասենք՝ զբոսաշրջիկը եկել է, օգտվում է ավտովարձույթից, բայց ոչ բոլոր ավտովարձույթներն են տարեկան վճարել և այդ ավտովարձույթի մեքենաներն վճարովի տեղ կանգնեցնելու համար պետք է հաղորդագրություն ուղարկեն, իսկ ռոմինգ արած հեռախոսից հնարավոր չէ այդ համարին հաղորդագրություն անել։ Դրա համար պետք է վճարման տերմինալներ տեղադրվեն։
Մենք ասում ենք, որ բոլորից սուրբ ենք, մեր մոտ ցիվիլիզացիա է և պետք է հաղորդագրությամբ ամբողջը կարգավորենք։ Սրանով մի շարք խնդիրների առաջ ենք կանգնեցնելու բոլորին, թե՛ ավտովարձույթով բիզնես իրականացնողներին, թե՛ Երևանի քաղաքացիներին։
Բացի այդ աբսուրդ է, որ չի տարբերակվում տվյալ հատվածի բնակիչների համար այլ սակագին, այն պետք է տարբերակվեր։ Եթե դա էլ չեն տարբերակել ապա այն ոչինչ է, միայն լրացուցիչ փող զավթելու միջոց։
Այս նախագծում ավելի ճիշտ կլիներ նպատակի դաշտում գրել. «Բյուջեի ճեղքերը փակելու համար», «Քաղաքացիներից ավելի շատ գումարներ և տուգանքներ գանձելու համար»։
Իրենց գաղափարը, որ կանգառների վճարների թանկացումը թեթևացնելու է կենտրոնի երթևեկությունը՝ հեքիաթ է և փորձն էլ ցույց տվեց, որ իրականում այն հեքիաթ էր, պրակտիկան էլ այն ապացուցեց։
Վարձավճարների բարձրացումն ինքնանպատակ չէ։ Իրենք նպատակ էին դրել, թե ինչու են բարձրացնում, բայց այդ նպատակը չիրականացվեց։ 1000 դրամով է այն բարձրացել, թե 10000 դրամով՝ էական չէ, էականն այն է, որ վճարով կայանատեղին չի կարող երթևեկությունը թեթևացնի՝ անկախ նրանից, թե ինչ գին կսահմանվի։ Երթևեկը կարող է թեթևացվի, եթե որոշ փողոցներում կանգառն արգելվի, որտեղ չկանգնեն, դրանով, օրինակ, մի գոտին դառնա երեք գոտի, 2-ը՝ 3։ Եթե օրինակ, Պրոսպեկտի աջ կամ ձախ կողմում ժամանակին կանգնում էին 10 մեքենա, հիմա կանգնում է 3 մեքենա, միևնույն է այդ գոտին կրկին զբաղեցվում է և դրանով չես կարող երթևեկել։ Հիմա այնպես չէ, որ այդ գոտում 1-2 մեքենա է կանգնած, էլի ամբողջն է զբաղեցվում, բայց դե...
Այսինքը՝ եթե այդ գոտին զբաղված է ապա այն չի կարող երթևեկությունը թեթևացնի։
Հարակից հրապարակումներ`
Լրահոս
Տեսանյութեր
Դուք մասնակից եք դարձել պետականության կործանմանը. Բագրատ Սրբազանը՝ ՔՊ-ականներին
