Ձեր վստահելի աղբյուրը

«Այն որակումները, որոնք  ուղիղ բնութագրում են այս իշխանությանը, նույն դավաճանության, հողերի, Արցախի հանձնման հետ կապված, տարբեր գործիչներ տարբեր պարբերականությամբ արտահայտում են»,-ԱԺ ճեպազրույցների ժամանակ ասաց «Պատիվ ունեմ» խմբակցության քարտուղար Տիգրան Աբրահամյանը՝ արձագանքելով նախօրեին Նիկոլ Փաշինյանի արած այն հայտարարությանը, թե իրեն այլևս «դավաճան» և «հողատու» չեն որակում։

Նրա խոսքով, այն քաղաքականությունը, որն այս իշխանությունն վարում է 5-6 տարիների ընթացքում,  նաև հասարարկության համար են հստակ դարձրել, որ դրանք միայն բնութագրիչներ չեն։

Ըստ Աբրահամյանի այդ որակումները ոչ միայն ընդդիմադիր քաղաքական գործիչների, այլև միջին վիճակագրական քաղաքացու համար դարձել է սովորական և ընկալելի։

«Ողբերգությունների այն շղթան, որը բերել է այդպիսի որակումների, այսօր ցավալիորեն շարունակվում է»,-նկատեց Տիգրան Աբրահամյանը։

Անդրադառնալով ՀՀ ԶՈւ-ում տեղի ունեցած վերջին ողբերգական դեպքերին և դիտարկմանը, որ Նիկոլ Փաշինյանը մինչև նախաքննություն արդեն զոհերի դեպքերով մեղադրում է զինծառայողների ընտանիքներին՝ Տիգրան Աբրահամյանն ասաց, որ բանակի վերաբերյալ շատ հարցեր կան, որոնք պետք է քննարկվեն փակ դռների հետևում։

Պատգամավորը հայտնեց, որ գնահատականներ տալու համար պետք է նախ ավարտվեն քրեական գործերը, որոնք ի հայտ են բերում դեպքի հանգամանքները, նաև ծառայողական քննությունների ավարտին պետ է սպասել։

«Քանի դեռ այդ գործընթացներն ավարտված չեն՝ ցանկացած գործչի, այդ թվում՝ Նիկոլ Փաշինյանի կողմից արված հայտարարություններն անընդունելի եմ համարում, հատկապես, որ այդ ընտանիքները, անկախ պատճառներից և իրավիճակից մեծ ողբերգություն են ապրում և այդ պայմաններում նրանց վրա լրացուցիչ ճնշում գործադրելը բարոյական չեմ համարում»,-հայտարարեց Տիգրան Աբրահամյանը։