![](https://panorama.am/news_images/985/2954245_1/16974743509259.thumb.jpeg)
Իսրայելից Հայաստան եկած հայերն արդեն վերադարձել են Իսրայել
Դեռևս անցած տարվա հոկտեմբերին իսրայելապաղեստինյան պատերազմի մեկնարկից օրեր անց, անվտանգության ապահովման նկատառումներից ելնելով, Իսրայելից Հայաստան տեղափոխված հայերը վերադարձել են Իսրայել։ Panorama.am-ի հետ զրույցում ասաց Պետահ-Տիկվայի «Նաիրի» միության նախագահ, «Իսրայելահայեր» թերթի գլխավոր խմբագիր Արտյոմ Չերնամորյանը։
«Իսրայելահայերը Հայաստանի կառավարության կողմից տրամադրած ինքնաթիռով տեղափոխվել էին Հայաստան, սակայն դեկտեմբերի սկզբին գրեթե բոլորը սեփական ուժերով վերադարձել են Իսրայել։
Մենք Հայաստանից միայն ինքնաթիռ էինք խնդրել, չէինք պահանջել որևէ այլ օգնություն, քանի որ հաշվի էինք առել, որ Արցախի ժողովուրդը նոր է տեղափոխվել Հայաստան, կառավարության համար չէինք ուզում բեռ դառնալ»,- նշեց նա։
Արտյոմ Չերնամորյանի խոսքով, թեև առաջին ինքնաթիռից հետո երկրորդի անհրաժեշտությունն է եղել, քանի որ ցուցակագրվել էին մարդիկ, ովքեր ուզում էին գալ Հայաստան, սակայն Հայաստանի կառավարության կողմից որևէ արձագանք չի եղել։
«Զանգել եմ ԱԳՆ թեժ գիծ, փորձեցի կապ հաստատել վերադասի հետ, սակայն այդպես էլ ԱԳՆ-ից որևէ զանգ չստացա։ Արդեն ցուցակագրված իսրայելահայերն այդպես էլ չեկան Հայաստան։ Ովքեր Հայաստան գալու խիստ ցանկություն ունեին, սեփական միջոցներով եկան։
Երբ պատերազմի սկզբում ինքնաթիռ խնդրեցինք Հայաստանի կառավարությունից, լավ օրից չէր, որ խնդրել էինք։ Թբիլիսիով մեկ հոգու տոմսի արժեքը 1500 դոլար է։ Պատկերացրեք մի ընտանիք, որն ունի 4 երեխա, ինչքան գումար էր անհրաժեշտ Հայաստան գալու համար։ Հենց դրա համար խնդրեցինք, որպեսզի տարհանենք երեխաներին, տարեցներին, հիվանդներին»,- մանրամասնեց նա։
Չերնամորյանը նշեց, որ հիմա նոր ցուցակագրվածներ չկան, էլ չեն դիմում, հարմարվել են այս պատերազմական վիճակին։
Նա ասաց, որ հիմա Իսրայելի կենտրոնական շրջաններում իրավիճակը հանգիստ է, վերջին անգամ դեկտեմբերի 31-ի գիշերն է հարձակում եղել, այնուհետև մեկ շաբաթ անց։
«Սակայն երկիրը պատերազմի մեջ է ու ամեն ինչ թանկանում է, փետրվարին ամեն ինչ էլ ավելի է թանկանալու։ Մարդիկ աշխատանք չունեն, պետությունն ուղղակի նպաստներ է տալիս աշխատավարձի 60-75 տոկոսի չափով»,- նշեց նա։
Չերնամորյանի փոխանցմամբ, տասնայակ հայորդիներ այս պահին մոբի ուժերում պաշտպանում են Իսրայելը։
«Բարեբախտաբար, հայկական համայնքը զոհեր չունի»,- ասաց նա՝ հիշեցնելով միայն հայկական արմատներ ունեցող «Գիվատի» հատուկ նշանակության ստորաբաժանման մարտիկ ավագ սերժանտ Նիր-Ռաֆայել Կանանյանի(Քանանյանի) զոհվելու մասին, ում հայրը եղել է Ղազախաստանից, ընտանիքը հայկական համայնքի հետ երբևէ կապեր չի ունեցել։
Խոսելով Երուսաղեմի հայկական «Կովերի պարտեզ» կոչվող թաղամասում տիրող իրավիճակի մասին, Ա. Չերնամորյանն ասաց, որ դեկտեմբերի 28-ի հարձակումից հետո հանդարտ է վիճակը։
«Մենք Իսրայելում Ամանորն ու Սուրբ ծնունդը տոնում ենք փաստացի 2 անգամ՝ և Հայաստանի հետ նոր տոմարով և Երուսաղեմի հետ հին տոմարով: Վերջերս նշեցինք Սուրբ Ծնունդն ու Ամանորը։ Բեթղեհեմում պատարագ տեղի ունեցավ, ցավոք սրտի, պատերազմի պատճառով հայերի մեծ հոսք չեղավ դեպի Բեթղեհեմ»,- նշեց Չերնամորյանը։
Հարակից հրապարակումներ`
- Իսրայելի արտգործնախարարը թվիթերում օգտագործում է Հայոց ցեղասպանություն եզրույթը. «Շատ քիչ է և շատ ուշացած»
- Իսրայելի պաշտպանության բանակը հայտարարել է, որ գրոհել է ՀԱՄԱՍ-ի բարձրաստիճան անդամների գրասենյակները
- Իսրայելը հարվածներ է հասցերլ «Հեզբոլլահ»-ի շարժական թիրախներին
- Գազայում իսրայելի հարվածների հետևանքով զոհվածների թիվը հասել է 21672-ի
- Երուսաղեմի հայկական թաղամասի վրա զինված հարձակումից հետո երկու հայ է ձերբակալվել.Արտյոմ Չերնամորյան
- Իսրայելում շատ հայազգի երիտասարդներ զորակոչվել են բանակ. Արտյոմ Չերնամորյան
- Իսրայելում վիճակը գնալով վատանում է, Հայաստան վերադառնալ ցանկացողներ կան. Արտյոմ Չերնամորյան
- Թել Ավիվ-Երևան հատուկ չվերթի ինքնաթիռը ժամանել է «Զվարթնոց» օդանավակայան
- Թել Ավիվ - Երևան չվերթով Հայաստան է տեղափոխվում 190 ՀՀ քաղաքացի և ազգությամբ հայ
- Վաղը Թել Ավիվ - Երևան չվերթ կիրականացվի
- Ինչ վիճակում են Իսրայելում ապրող հայերը. Ներկայացնում է Արտյոմ Չերնամորյանը
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան