Ձեր վստահելի աղբյուրը

Աֆղանստանի Բադախշան նահանգի լեռներում մարդատար ինքնաթիռ է կործանվել։ «ՌԻԱ նովոստի»-ի փոխանցմամբ, այդ մասին հայտնել են Pajwak գործակալությունը X սոցիալական ցանցում։

«Կիրակի օրը տեղի պաշտոնյաները հայտնել են, որ հնդկական մարդատար ինքնաթիռը կործանվել է Բադախշանի լեռնային շրջաններում»,- պարզաբանվում է նյութում։
Ինչպես հայտնում է Օդային տրանսպորտի դաշնային գործակալությունը, Աֆղանստանում անհետացած Falcon 10 ինքնաթիռը գրանցված է Ռուսաստանի քաղաքացիական ինքնաթիռների պետական ռեգիստրում։ Հստակեցվում է, որ նախորդ գիշեր նա ընդհատել է կապը և անհետացել ռադարների էկրաններից՝ գտնվելով Աֆղանստանի օդային տարածքում (Տաջիկստանի սահմանի մոտ)։
Օդանավը սանիտարական չարտերային թռիչք էր կատարում Գայա (Հնդկաստան) - Տաշքենդ - Ժուկովսկի երթուղով։

«Նախնական՝ ինքնաթիռում եղել է վեց մարդ՝ անձնակազմի չորս անդամ և երկու ուղևոր»,-ավելացրել են գերատեսչությունում։

Օդային տրանսպորտի դաշնային գործակալությունը կապի մեջ է Աֆղանստանի և Տաջիկստանի ավիացիոն իշխանությունների հետ, և ներկայումս օդանավի որոնողական աշխատանքներ են իրականացվում։
Անհետացած Falcon 10 ինքնաթիռը (գրանցման համարը՝ RA-09011, սերիական համարը՝ 128) արտադրվել է ֆրանսիական Dassault Aviation ընկերության կողմից 1978 թվականին։ Այն պատկանում է «Աթլետիկ գրուպ» ՍՊԸ-ին և անհատ անձին:
Ինչպես հայտնում է Khaama Press-ը, ինքնաթիռը շեղվել է իր սկզբնական երթուղուց։

«Բադախշան նահանգի տեղական աղբյուրները հաստատում են, որ ինքնաթիռը շեղվել է սկզբնական ուղուց և ընկել Զեբակի շրջանի լեռնային տեղանքում»,-պարզաբանվում է հրատարակության մեջ։

Բադախշան նահանգի տեղեկատվության և մշակույթի վարչության ղեկավարը Tolo News-ին հայտնել է, որ հետաքննության համար վթարի վայր խումբ է ուղարկվել։