Ձեր վստահելի աղբյուրը

Պետական վերահսկողական ծառայությունը (ՊՎԾ) ուսումանսիրություններ է արել ԱՆԻՖ-ում՝ Պետական հետաքրքրությունների ֆոնդ ընկերությունում ու պարզել, որ ընկերությունը պետությունից ստացած ֆինանսական միջոցները արդյունավետ չի օգտագործել, այս մասին ՊՎԾ-ն զեկույց չի հրապարակել, բայց մանրամասները հայտնել է «Ազատության»-ը։

««Վերաբերում են ներկայացուցչություններում կամ կենտրոնական ապարատում որոշակի ծառայությունների ձեռքբերմանը, ներդրումների գործընթացներին, այդ թվում՝ նաև ղեկավար անձնակազմի աշխատավարձերի, պարգևավճարների, գործուղումային ծախսերի բաշխմանը, դրանց արձանագրմանը, ինչպես նաև այդ գործընթացների փաստաթղթավորմանը», - ասաց ՊՎԾ ղեկավար Ռոմանոս Պետրոսյանը։

Պետական հետաքրքրությունների ֆոնդը 2019-ին Կառավարության կողմից հիմնադրված փակ բաժնետիրական ընկերություն է։ Վերջին տարիներին այն նախ եղել է Կառավարության, ապա Էկոնոմիկայի նախարարության կազմում։ Դրա նպատակը օտարերկրյա ներդրումների ներգրավումն է, արտահանման աճի խթանումը և հայաստանյան նախագծերում ներդրումներ անելը։

ԱՆԻՖ-ի կայքում եղած տվյալներից դատելով՝ արտասահմանյան խոշոր ներդրողներ վերջին տարիներին գրեթե չեն ներգրավել, իսկ, ըստ վերահսկողական ծառայության, պետական միջոցներն էլ արդյունավետ չեն ծախսվել։ 2019-2023 թվականներին այդ միջոցները կազմել են շուրջ 5 միլիարդ դրամ, որի փոքր մասը դրամաշնորհներ են, մեծ մասը՝ հարկատուների գրպանից։

«Կան ծառայություններ, որոնց համար ներկայացուցչությունները կամ կենտրոնական ապարատն ունի կոնկրետ հաստիքներ վարձատրվող, ընդ որում բավականին բարձր արժեցող մասնագետների ներգրավմամբ, որպես հաստիքային աշխատակիցներ, բայց այդ ծառայությունների ձեռքբերման համար արտապատվիրակվել են այլ ընկերություններ, ծառայություններ են ձեռքբերվել, որում մենք, բնականաբար, խնդիրներ ենք տեսել՝ խնդրահարույց է այդ աշխատաոճը մեզ համար գնահատվել», - ասաց Պետրոսյանը։

Տարին ամփոփող ասուլիսի ընթացքում էկոնոմիկայի նախարար Վահան Քերոբյանը խուսափել էր գնահատականներից ու չէր պատասխանել հարցին՝ արդյո՞ք ԱՆԻՖ-ի ղեկավար կազմում փոփոխությունների պատճառը անարդյունավետ կառավարումն է։

ԱՆԻՖ-ը անցյալ տարվա մայիսից Կառավարության հաշվեկշռից անցել է Էկոնոմիկայի նախարարությանը, որը արդեն հունվարից փոխել է տնօրենների խորհրդի անդամներին, ինպես նաև հունվարի սկզբին վաղաժամ դադարեցրել ԱՆԻՖ-ի տնօրեն Դավիթ Փափազյանի լիազորությունները։

Վերջինիս հետ առայժմ կապ հաստատել չի հաջողվել, սակայն «Ազատություն»-ը հարցում է արել նախարարություն՝ հետաքրքվելով, թե ինչո՞ւ է ֆոնդից հեռացվել Փափազյանը։

Նախարարությունից «Ազատության»-ը պատասխանել են՝ նա խախտել է «Բաժնետիրական ընկերությունների մասին» օրենքի դրույթներից մեկը, խոսքը գործադիր մարմնի կողմից խորհրդի որոշումները չկատարելու մասին է։ Թե ինչ որոշում մոտ կես տարվա ընթացքում չի կատարել Փափազյանը, հստակ չէ։

Մինչ այդ ՊՎԾ ղեկավարը խոսում է իրենց բացահայտումների մասին՝ օրինակներով․ - «Աշխատավարձերի հաշվարկման որոշակի մեխանիզմներ են կիրառվել, որոնք որ չենք կարող ասել, որ ապօրինի են կիրառվել, սակայն արդյունավետության հետ խնդիրներ ենք տեսել։ Այն դեպքում, երբ ընկերությունը, որոշակի նշաձողեր է սահմանել շահույթի, եկամուտների և ֆինանսական այդ ձեռքբերումների առումով, բայց այդ նշաձողերը չհաղթահարելու կամ յուրովի մեկնաբանության արդյունքում պատասխանատուները՝ ղեկավար կազմի որոշ պաշտոնատար անձինք զգալի պարգևավճարներ են ստացել»։

Թե ինչ աշխատավարձերի կամ պարգևավճարների մասին է խոսքը, չհատնեցին ո՛չ ՊՎԾ-ից, ո՛չ Էկոնոմիկայի նախարարությունից՝ հղում անելով անձնական տվյալների պաշտպանության մասին օրերքին, նախկին տնօրեն Փափազյանը և ԱՆԻՖ-ի մյուս աշխատակիցները պետական ծառայողներ չեն, հետևաբար չեն ներկայացրել նաև հայտարարագրեր։է»,- գրում է «Ազատությունը»։

Մանրամասն՝ սկզբնաղբյուր կայքում։