![](https://panorama.am/news_images/986/2957575_1/00000000000056.thumb.jpg)
Հայոց բանակը մեր անցյալի, ներկայի ու ապագայի հենասյունն է. Ալեն Սիմոնյան
ԱԺ նախագահ Ալեն Սիմոնյանի շնորհավորական ուղերձ է տարածել Զինված ուժերի կազմավորման 32-րդ տարեդարձի առթիվ;
«Սիրելի՛ հայրենակիցներ, հարգելի՛ զինվորներ, ենթասպաներ, սպաներ և գեներալներ, Հայոց բանակի նվիրյալ որդիներ, շնորհավորում եմ Հայաստանի զինված ուժերի տոնի՝ Հայոց բանակի օրվա առթիվ:
Հայոց բանակը մեր անցյալի, ներկայի ու ապագայի հենասյունն է, Հայաստանի անկախ, ինքնիշխան հանրապետության ապավենն ու երաշխավորը, որի շենացումն ու հզորացումը պետք է լինի յուրաքանչյուրիս առաքելությունը:
Այս 32 տարիների ընթացքում մեր բանակն անցել է տարբեր ժամանակաշրջանների դժվարագույն փորձությունների միջով: Մենք գրանցել ենք բազում նվաճումներ, կրել ծանր կորուստներ, սակայն հայ զինվորի ոգին եղել է ու կա անպարտելի:
Մաղթում եմ, որ ձեր անկոտրում ոգին, քաջությունն ու հայրենիքին նվիրվածությունն ուղեկցեն մեզ միշտ, և խաղաղ երկնքի տակ շարունակեք ծառայությունը՝ ի բարօրություն Հայաստանի Հանրապետության:
Աստված պահապան Հայոց բանակին և հայ ժողովրդին:
Կեցցե՛ հայ զինվորը»,-ասվում է ուղերձում:
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան