Ձեր վստահելի աղբյուրը

«Քաղաքացիական պայմանագիր» խմբակցության անդամներն ու Երևանի քաղաքապետարանի քպ-ական պաշտոնյաները քննարկել են բազմաթիվ հարցեր։Ինչպես, լրագրողների հետ զրույցում տեղեկացրեց Տիգրան Ավինյանը, քննարկվել են ռեֆորմների ծրագիր, որի իրականացման համար անհրաժեշտ է ԱԺ գործընկերների աջակցությունը։

«Քննարկվել են բոլոր խնդրահարույց հարցերը, որոնք վերաբերում են կարմիր գծերին, այգիներին, տրանսպորտային համակարգին և գլոբալ հեռանկարային հարցերին»,- ասաց Ավինյանը։
Հարցին,թե արդյո՞ք Ավինյանի աշխատանքից եղել է դժգոհություն, արձագանքն այսպիսին էր․

«Մեր գործընկերները բարձրաձայնել են դժգոհություններ, որոնք իրենք ստացել են քաղաքացիներից։ Հիմնական քննարկումն ավելի ինստիտուցիոնալ խնդիրների մասին էր, եւ դրանց լուծման ճանապարհների մասին։ Ես ձեզ վստահեցնում եմ , որ պաշտոնանկության մասին հարց չի քննարկվել։ Երևանի ավագանու ընտրությունները տեղական ինքնակառավարման մարմնի ընտրություններ են, այստեղ որոշակի հստակ տարանջատում կա։ Երկար է տևել, որովհետև օրակարգը հագեցած է եղել»։

Լրագրողի ճշտող հարցին, թե այսինքն՝ կշարունակեք պաշտոնավարե՞լ։ Ավինյանը նախ բարձր ծիծաղեց, հետո ասաց․ «Այո, ես կշարունակեմ պաշտոնավարել, բայց դա այս քննարկման հետ կապ չունի»։