Ձեր վստահելի աղբյուրը

«Ալիևի, Էրդողանի առաջարկներն արդեն իրագործում է նաև Հանրային հեռուստաընկերությունը, օրհներգի կադրերում այլևս Արարատը չկա»,- «Ազատության»-ը տված հարցազրույցում ասել է ՀԱԿ փոխնախագահ Արամ Մանուկյանը։

«Այսինքն, գործընթացը գնում է, Արարատը այլևս մեր օրհներգի վիդեոտարբերակից հանված է»,-ասել է նա։

Արամ Մանուկյանի խոսքով՝ իշխանությունը համակարգված արշավ է սկսել մեր սրբությունների, մեր խորհրդանիշների դեմ։

Հարցին, թե  փոխվել է աշխարհակարգը՝ Արամ Մանուկյանն արձագանքել է․

«Աշխարհակարգը փոխվել է, փոխվել է այնպես, որ այդ աշխարհակարգի երկու խաղացող՝ Ալիևն ու Էրդողանը քեզ ստիպում են «Նեմեսիսի» արձանը հանե՞լ, Երասխում գործարան չկառուցե՞լ, քեզ ստիպում են Սոթքի հանքերը չաշխատացնե՞լ, դասագրքերից հանել Ցեղասպանության կետե՞րը: Կարո՞ղ է վաղն էլ  Վրեժ անունը որպես ռևանշիստական անուն հանեն։ Հանելու են, եթե էսպես  զիջողականությամբ գնաս, բոլորը հանելու են։ Ցեղասպանության թանգարանը կհանեն, որովհետև Ցեղասպանության թանգարանը կարող են մեկնաբանել այսպես՝ տարածքային պահանջ է Թուրքիայի նկատմամբ:

Մեր իշխանությունների թույլիկությունն ու անմեղսունակությունը չի կարող բացատրվել միջազգային կոնֆլիկտներով»։