Ձեր վստահելի աղբյուրը

 ՀՀ կառավարության կողմից «Լիդիան Արմենիա»-ի բաժնետոմսերի 12.5%-ն ընդունելու և ժողովրդավարական արժեքներն ու համայնքների իրավունքներն անտեսելու վերաբերյալ հասարակական կազմակերպություններն ու ՀՀ քաղաքացիները հանդես են եկել հայտարարությամբ, որտեղ նշվում է բոլոր ռիսկերը ծրագրի հետ կապված, որոնք ոչ միայն չեն փարատվել, այլև ավելացել են։Ինչպես նաև ընդգծում են, որ արտահայտում են վրդովմունքը ՀՀ կառավարության անպատասխանատու գործողությունների առնչությամբ:

«Մինչ որոշում կայացնելը ազդակիր մայանքներն ու հասարակության ներկայացուցիչներ՝ բացասական կարծիք են այտնել Ամուլսարի շահագործման դեմ։ Անցկացվել է ստորագրահավաք, որին միացել է շուրջ 30 000 քաղաքացի, միացել են ոչ միայն բնապահպաններ, այլև քաղաքացիներ։ Այս համատեքստում, ասել, որ ունեն համայնքների համաձայնությունը,  կարծում եմ՝ անիմաստ է, քանի որ այն պետք է արձանագրված լինի փաստաթղթով, ինչպես օրինակ՝ մեր կողմից անցկացված  ստորագրվահավաքի դեպքում է։ Սա է պատճառը, որ մենք չենք հասկանում, թե Կառավարությունը որտեղի՞ց է վերցրել, որ կա դրական կարծիք, քանի դեռ չկա որևէ ապացույց»,- Panorama.am-ի հետ զրույցում ասաց «Էկոլուր» տեղեկատվական ՀԿ ղեկավար  Ինգա Զարաֆյանը։

Մեր հարցին, թե ընկերությունը ուներ բազում հնարավորություններ՝ հանքավայրը շահագործելու համար, ինչո՞ւ չի շահագործում, Զարաֆյանն իր տեսակետը հայտնեց․

««Լիդիան Արմենիան» չի էլ փորձում շահագործել հանքավայրը։ 2006-2016թթ․-ին ընկերությունը 4 անգամ դիմել և ստացել է դրական եզրակացություն, սակայն այդպես էլ չի շահագործել։ Բայց յուրաքանչյուր անգամ ընկերության արժեթղթերի գինը միջազգային բուրսայում բարձրացել է։ Այսինքն՝ այստեղ կան ոչ միայն բնապահպանական, այլև տնտեսական և սոցիալան ռիսկեր։ Այս ամենի մասին մանրամասն նշել ենք տարածած հայտարարությունում»։

Զարաֆյանն ընդգծեց, որ դեռևս Կառավարության կողմից արձագանքի չեն ստացել՝ ի պատասխան  ՀԿ-ների հայտարարության, ամեն դեպքում՝ շարունակելու են պայքարել, որպեսզի Ամուլսարը մնա սար։