Ձեր վստահելի աղբյուրը

«4025 քրեական վարույթ է նախաձեռնվել, որի շրջանակներում մեղադրանք է առաջադրվել 1063 անձի»,-կառավարության այսօրվա նիստում հայտնեց ՀՔԿ ղեկավար Արգիշտի Քյարամյանը՝ ներկայացնելով 2022-23 թթ թմրանյութերի շրջանառության դեպքերի քնակը։

Նա ասաց, որ 277 անձի նկատմամբ խափանման միջոց է ընտրվել կալանքը։

«2023 թ. թմրանյութերի ապօրինի շրջանառության դեպքերով քննված քրեական վարույթներից 1105-ի նախաքննությունն ավարտվել է և 1307 անձի վերաբերյալ գործերն ուղարկվել են դատարան»,-ասաց ՀՔԿ ղեկավարը և տեղեկացրեց, որ 106 վարույթ էլ ավարտվել է թմրանյութերի մաքսանենգության դեպքերով, որի հետևանքով 116 անձի վերաբերյալ քրեական գործերը գնացել են դատարան։

Քյարամյանի խոսքով՝ 2023 թվականին թմրանյութերի ապօրինի շրջանառության և թմրամիջոցների մաքսնանենգության դեպքերով ընդհանուր 1423 անձի վերաբերյալ քերական գործ է ուղարկվել դատարան։

Նա նաև հայտնեց որ թմրանյութերի ապօրինի շրջանառության դեմ պայքարը բավականին բարդացել է, քանի որ դրանց տարածման մեխանիզմներ են փոխվել և նախորդ տարի թմրանյութերի շրջանառությամբ զբաղվող 150-ից վաել տելեգրամյան ալիքներ են բացահայտել։

«Մենք սկսել ենք  փողերի լվացման համատեքստում դիտարկել թմրանյութերի ապօրինի շրջանառությունը և  անցած տարվա ընթացքում մեղադրանքով մեղսագրվել է 5.1 մլդ դրամից ավել փողերի լվացում է արձանագրվել և 3.6 մլրդ դրամի մասով գնացել է դատարան»,-ասաց Քյարամյանը։

ՆԳ նախարար Վահե Ղազարյանն էլ ասաց, որ ոստիկանությունը նախորդ տարի բացահայտել է թմրանյութերը համացանցով տարածման 489 դեպք։