![](https://panorama.am/news_images/987/2960954_1/capture.thumb.jpg)
Մենք ապրում ենք Հայաստանի Հանրապետությունում, և ՀՀ դպրոցներում պետք է անցեն Հայաստանի պատմությունը. Նախարար
«Բավականին ակտիվորեն քննարկվում է «Հայոց պատմություն» առարկան «Հայաստանի պատմություն» վերանվանելու հարցը, որն, ըստ էության, նոր հարց չէ»,- Ազգային ժոզղովում հայտարարեց ԿԳՄՍ նախարար Ժաննա Անդրեասյանը։
Նա ասաց, որ այս հարցն արդեն մի քանի անգամ քննարկվել է մասնագիտական շրջանակների կողմից. ակադեմիական որոշ շրջանակներ անդրադարաձել էին անկախությունից հետո, երբ որ ընդհանրապես առարկայի վերաիմաստավորման խնդիր են դրել, այնուհետև ավելի լայն քննարվել է, երբ որ հանրակրթության պետական չափորոշիչն էր նոր քննարկվում։
«Այդ բոլոր քննարկումներից հանգել եմ մի եզրակացության, որ առարկայի անվանումը ամենևին էլ մասնագիտական տիրույթի խնդիր չէ, քանի որ «Հայոց պատմություն» առարկան, որն ուսուցանվում է, պետք է ունենար կոնկրետ նպատակ։
Մենք ապրում ենք Հայաստանի Հանրապետությունում և Հայաստանի Հանրապետության դպրոցներում պետք է անցեն Հայաստանի պատմությունը։ Եվ սա բոլորովին չի նշանակում և կուզեմ առանձնահատուկ ընդգծել այն անհեթեթ դիտարկումները, թե Հայաստանի պատմություն կոչելով՝ առարկայից դուրս է մնալու այն բովանդակությունը, որը կազմում է մեր պատմության մասը։ Սա ամենևին բովանդակության մասին չէ։ Բովանդակությունը նույնն է՝ անկախ անվանումներից։
Անվանումն այն մեթոդաբանական դիտանկյունն է, որով մենք մոտենում են պատմության ուսուցանմանը։ Երբ ասում ենք պատմության ուսուցանումն ունի կոնկրետ նպատակ, պետք է շեշտադրեմ այդ նպատակը, որը տարբեր երկրներում է իրականացնում. ամեն երկրում պատմության ուսուցանումն առաջին հերթին այդ պետության երկրի քաղաքացիների ձևավորման գործընթաց է և առաջնահերթ է, որպեսզի պատմության ուսուցանումը կազմակերպվի և կառուցվի պետության առանցքի շուրջ՝ անկախ նրանից, այդ ժամանակահատվածներում պետությունը եղել է, թե չի եղել»,- ասաց Անդրեասյանը։
Նա նշեց, որ ժամանակը կարճ է, այլապես կարող էր կոնկրետ օրինակներով ցույց տալ այսօրվա մեր դասագրքերի խնդիրները, «որոնք հենց պետական մտածողության բացակայություն են սերմանում մեր աշակերտների մոտ և այն լուծումները, որոնք կունենանք նոր տարբերակի պարագայում»։
«Հայաստան» խմբակցության պատգամավոր Գեղամ Մանուկյանը հետաքրքրվեց, թե ի՞նչ նամակ, գրություն է ստացել նախարարություն, որի հիման վրա այդ նախագիծն է մշակվել։ Ժ. Անդրեասյանն ասաց, որ իրենք երբեք չեն հայտարարել, որ որևէ մեկից որևէ գրավոր դիմում, նամակ են ստացել, խոսքն այն մասին էր, որ ամենատարբեր քննարկումներում մասնագետների կողմից բարձրաձայնվել է առարկայի անվան հետ կապված հարցը։
«Մասնագետների թիրախավարումը, հաշվի առնելով այն առողջ մթնոլորտը, որը ձևավովում է կոնկրետ ուղղորդված շրջանակներից կողմից, անթույլատրելի է։ Ես չեմ պատրաստվում որևէ մասնագետի անուն տալ, որը կհայտնվի նույն իրավիճակում, ինչ որ հայտնեց պատմության դասագքրի հեղինակը։ Եթե թիրախ եք փնտրում, այդ թիրախը կանգնած է այստեղ, ձեր բոլոր հարցերը կարող եք ուղղել»,- ասաց Ժ.Անդրեասյանը։
Գ. Մանուկյանն արձագանքեց. «Թիրախում հայտնվել է հայ ժողովուրդը, հայ ժողովրդի պատմությունը, Հայաստանը, Հայաստանի քաղաքացին, երբ որ նման տոտալ ձևով փորձում են ամեն ինչ ձևախեղել»։
Հարակից հրապարակումներ`
- Խորապես մտահոգված ենք. ԱՅԲ-ի պատմության ուսուցիչների դիրքորոշումը
- «Ակնհայտ քաղաքական ենթատեքստ ունի». ԵՊՀ հայոց պատմության ամբիոնը՝ «Հայոց պատմություն» առարկան անվանափոխելու մասին
- Պատմաբանի ղեկավարած բաժինը փակում են՝ «Հայոց պատմություն» դասագիրքը քննադատելու համար․ Զաքարիա Բաղումյան
- Իշխանությունը հանուն «Հայաստանի պատմության» գործի է դրել ֆեյքային օգտահաշիվները. Մենուա Սողոմոնյան
- Հայոց պատմություն եզրը խնդրահարույց է եղել միշտ, բայց ոչ քաղաքական կոնտեքստում, hիմա իշխանությունը փորձում է դրան տալ քաղաքական կոնտեքստ. Պետրոսյան
- Երբ օգտագործում ենք Հայաստանի պատմություն եզրույթը, ապա կտրում ենք տարածաժամանակային ընկալման կապը. Բադալյան
- ԿԳՄՍ նախարարությունն առաջարկում է «Հայոց պատմություն» առարկայի անվանումը փոխել «Հայաստանի պատմություն»
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան