Ձեր վստահելի աղբյուրը

«Այս նախագիծը նման է լուսահոգի Վահան Հովհաննիսյանի ասած այն մսավաճառի կողմից ներկայացվող ապրանքին,  երբ որ լավ լուսաշող միս ես ուզում, ինքը կտրում է այդ միսը, բայց տակից էլ մի քիչ ոսկոր է մտցնում ու տալիս է»,-Վարչական իրավախախտումների մասին օրենսգրքում կատարվող փոփոխությունների նախագծի քննարկման ժամանակ ասաց «Հայաստան» խմբակցության քարտուղար Արծվիկ Մինասյանը։

Նրա խոսքով՝ դրական դրույթների հետ միասին նախագծում  նման ոսկորներն այնպես է դրված, որ  ուղղակիորն հնարավորություն չի տալիոս լուսաշող կերպով ներկայացնել նախագիծը։

Մինասյանն ասաց, որ երկու հոդվածները, որոնք վերաբերում են քաղաքացիների ազատ խոսքի արտահայտմանը, ազատ հավաքներ անցկացնելուն, ուղղակիորեն տարվում է դեպի ոստիկանապետական համակարգ։

Ընդդիմադիր պատգամավորը նկատեց, որ Վարչական իրավախախտումների վերաբերյալ օրենսգրքով արդեն իսկ սահմանված է, որ հավաքների անցկացման խախտման համար 18 գործողություն ենթակա են վարչական պատասխանատվության,  այդ խախտումների համար ՏԻՄ-երն են դիմում դատարան՝ կամ ոստիկանության կազմած արձանագրության, կամ ՏԻՄ-երի արձանագրության վրա։

Արծվիկ Մինասյանն ասաց, որ այդ կարգավորումը հանվում է և ոստիկանությանը իրավասություն է տրվում ոչ միայն արգելելու և կանգնեցնելու համավքներն, այլև տեղում արձանագրելու և վարչական պատասխանատվության ենթարկելու անձանց։

«Ըստ կարգավորումների, քաղաքացին ոստիկանի նշանակած վարչական տույժը բողոքարկելու համար մուծում է վարչական տույժի 7 %-ի չափով գումար, որպեսզի գնա և դատարանում պաշտպանի իր իրավունքը, որ իրավունք ուներ բարձրաձայնելու»,-ասաց Մինասյանը։

Անդրադառանալով ոստիկանության օրինական պահանջներին չենթարկվելու մասին կարգավորմանը՝ պատգամավորն ասաց, որ ոստիկանությունն այլ կարգավորումներով իրավունք ունի բերման ենթարկելու քաղաքացուն և նոր օրինագծով իրավասություն է տրվում նաև տեղում տուգանելու համար։

«Որպեսզի տուգանելու մատերիալ քաղաքացիան կարողանա իր իրավունքը պաշտպանի, մի հատ էլ լրացուցիչ գումար պետք է մուծի, որ գնա դատարանում ապացուցի, որ ոստիկանը օրինական պահանջ չի ներկայացրել, կամ եթե անգամ ներկայացրել է՝ իր գրոծողություններում եղել է իրավաչափ վարքագիծ։ Սա ոչ միայն հետընթաց է, այլև՝ ոստիկանապետական համակարգի ամրագրում»,-հայտարարեց Մինասյանը։

Ընդդիմադիր պատգամավորը կոչ արեց հետ կանգնել այդ մոտեցումից և բարելավել ոստիկանության վարչարարությունը և մինչև պատասխանատվության ենթարկելը քաղաքացուն հնարավորություն պետք է տրվի հասկանա, թե ո՞րն է իր ոչ իրավաչափ վարքագիծը։

«Մի հատ այդ ուղղությամբ տարեք աշախատանքը, թե չէ բերում եք, մահակները տալիս եք ոստիկանների ձեռքերն, ասում եք՝ դե գնացեք ինչպես ուզում եք պաշտպանվեք»,-նկատեց ընդդիմադիր պատգամավորը և, արձանագրելով դատական հայց ներկայացնելու տուրքերի անհամաչափ մեծացման հանգամանքը, հավելեց. «Սխալ ընթացք է հաղորդված, երբ ՆԳՆ-ի Ոստիկանությանը տրված է իրավունք կիրառելու նաև տուգանք, ընդորում՝ մինչև 300-400 հազար դրամի, և այնուհետև մի հատ էլ քաղաքացուն մղեք, ասեք՝ դե գնա մի հատ էլ գումար ճարի, փաստաբանական ծախս արա, որ գնաս ապացուցես, որ դու ուղտ չես։ Սխալ մոտեցում է»։

Պատգամավորը հայտնեց, որ առաջինից երկրորդ ընթերցման ժամանակ առաջարկ կներկայացնեն այդ երկու կարգավորումը հանելու համար։