Ձեր վստահելի աղբյուրը

«Ասում են՝ կառավարությունը հայրենիքը հակադրում է պետությանը։ Բացարձակապես այդպես չէ։ Կառավարությունն ընդամենն արձանագրում է այդ հասկացությունների հարաբերությունները հասկանալու, հետազոտելու, ըմբռնելու անհրաժեշտությունը»,- Ազգային ժողովում կառավարության հետ հարցուպատասխանի ժամանակ Նիկոլ Փաշինյանը՝ պատասխանելով «Հայոց պատմութուն» առարկան «Հայաստանի պատմություն» անունով կոչելու նախաձեռնությանն ու դրա շուրջ ծավալվող քննարկումների մասին հարցին։

Նա նշեց, որ դրանք ունեն իրար հետ հարաբերություններ, այդ հարաբերությունները պարզ չեն։

«Ինչ վերաբերում է «Հայոց պատմոթյուն» առարկան «Հայաստանի պատմություն» վերանվանելուն, այստեղ էլ իմ մեկնաբանությունը շատ պարզ է։ Հասկացություններն իրենց տակ ունեն իմաստներ։ Ասել եմ՝ այդ առաջարկի հեղինակը ես չեմ, բայց վատ չէի զգա, եթե ես լինեի։ Զարմացած եմ, թե ինչու մենք չենք նկատել դա։

«Հայոց պատմությունը» պետականության չգոյության պատմություն է պետականություն ունենալու դրվագներով, իսկ «Հայաստանի պատմությունը» պետականության պատմություն է պետականություն չունենալու դրվագներով։ 

Մենք ուզում ենք մեր պատմության տրամաբանությունը պետականություն չունենալու դրվագների դոմինանտությունը փոխարինել պետականություն ունենալու դրվագների դոմինանտությամբ, որն այսօր այդպես չէ»,- ասաց Փաշինյանը։ 

Նա նշեց, որ «Հայոց պատության» մեջ պետականությունը դրվագ է, Հայաստանը դրվագ է, «Հայաստանի պատմության» մեջ Հայաստանն առանցք է։