Ձեր վստահելի աղբյուրը

«Արցախի նախագահի նստավայրում Ալիևն ինքն իրեն ընտրեց Ադրբեջանի նախագահ։ Սա շատ խորհրդանշական իրադարձություն էր, ցույց էր տալիս, որ ադրբեջանական ընկալումներում ամենաբարձր մակարդակում Ստեփանակերտը գերիշխանություն ունի Բաքվի նկատմամբ»,- «Միասին» այլընտրանքային հասարակական-քաղաքական շարժման կազմակեպած քննարկմանն ասաց հասարակական-քաղաքական գործիչ Էդգար Ղազարյանը։

Ըստ նրա, «զարմանալի էր, որ ընտրատեղամասում  ներկա չէր Ալիևի վստահված անձը՝ Նիկոլ Փաշինյանը»։

Ղազարյանի համոզմամբ, այն, ինչ որ տեղի է ունեցել Արցախում 2020 թվականից սկսած, ընդամենը միջազգային  ռազմական հանցագործություն է։

«Հանցագործը պետք է պատասխանատվության ենթարկվի, բայց ունենք իրավիճակ, որ հայկական կողմից Ադրբեջանին որևէ մեկը պատասխանատվության չի ուզում կանչել միայն մեկ պատճառով, որ Հայաստանի ղեկավարությունն այդ պատերազմի հանցակիցն է, այսինքն հանցախմբի անդամները միմյանց մեղադրել և միմյանց պատասխանատվության  կանչել չեն կարող, դա կարող է անել քննիչը, դատախազը, դատարանը։ Հիմա մեզ պետք է այս պատերազմական հանցագործներին բերել արդարադատության դաշտ  և առաջին արդարադատությունը պետք է իրականացվի Հայաստանում, Հայաստանում գտնվող  պատերազմական հանցագործներին պատասխանատվության ենթարկելու միջոցով»,-ասաց Է. Ղազարյանը։

Մանրամասն՝ տեսանյությում։