Ձեր վստահելի աղբյուրը

«Ավելի ու ավելի ակնհայտ է դառնում, որ այս վարչախումբը մի նպատակ ունի,  քաղաքական դաշտից հեռացնել բոլոր այն գործիչներին, որոնք առավել ակտիվ են պայքարում այս թուրք-ադրբեջանական գործակալների  դեմ»,-Արմեն Աշոտյանի դատավարության ժամանակ ասաց  ԱԺ նախկին պատգամավոր Գագիկ Մինասյանը։

Նրա կարծիքով՝ այդ պայքարը գնալով թեժանում է, քանի որ հասարակության մեծ հատվածը հասկանում է, թե ինչ ողբեգության է բերում գործող իշխանությունը։

Մինասյանն ասաց, որ պետք է մեծացնել քաղբանտարկյալների աջակցությունը, որպեսզի հասնեն նրանց և ՀՀԿ-ի այն նպատակների իրագործմանը, որը սկսել էին դեռ 2018 թվականից։

«Սրանց վռնդենք, որպեսզի մեր ընթացքը, որը մենք արյուն քրտինքով, սխալներով  սկսել ենք իրականացնել 1988 թվականից, հասցնենք իր նպատակին»,- հայտարարեց Մինասյանը։

Նա կարծիք հայտնեց, որ պայքարի գործընթացները գնում են, բայց դրանց մի մասը միշտ չէ, որ տեսանելի է հասարակության համար։

«Միշտ չէ, որ պայքարի գործընթաներից մենք՝ քաղաքական գործիչներս գոհ ենք, բայց գործընթացները գնում ենք»,-հայտնեց բանախոսը։

Նշելով, որ ընդամենը երեք ամսում 13 %-ով ավելացել Նիկոլ Փաշինյանին անվստահություն հայտնողների քանակը՝ գագիկ Մինասյանը նշեց, որ հասարակությունը հասկացել է, որ իշխանությունները ցանկանում են ոչնչացնել այն բոլոր ձեռքբերումները, որոնք եղել անկախության տարիներին։