![](https://panorama.am/news_images/988/2963566_1/capture_v1.thumb.jpg)
ԵՄ դեսպանը կանչվել է Ադրբեջանի ԱԳՆ
Այսօր Ադրբեջանի ԱԳՆ է կանչվել Ադրբեջանում Եվրամիության դեսպան Պիտեր Միխալկոն: Ադրբեջանական լրատվամիջոցների հաղորդմամբ, այս մասին հայտնել են ԱԳՆ-ից։
«Հանդիպմանը ևս մեկ անգամ ընդգծվել է, որ Հայաստանում ԵՄ դիտորդական առաքելության գործունեությունը հակասում է ձեռք բերված նախնական պայմանավորվածություններին և լուրջ մտահոգություն է առաջացնում»,- ասված է հաղորդագրության մեջ։
Նշվել է, որ «այդ առաքելությունը, հակառակ իր հայտարարած նպատակներին, ինչպիսիք են տարածաշրջանային կայունության խթանումը և Ադրբեջանի և Հայաստանի միջև վստահության ձևավորումը, լայնորեն օգտագործվում է որպես հակաադրբեջանական քարոզչության գործիք։
Միխալկոյի ուշադրությանն է ներկայացվել, որ առաքելությունն, ըստ էության, դարձել է «հեռադիտակի դիվանագիտության» գործակալ՝ նպաստելով տարբեր եվրոպական պաշտոնյաների և ոչ պաշտոնական պատվիրակությունների սահմանամերձ շրջաններ այցելությունների կազմակերպմանը»։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան