Ձեր վստահելի աղբյուրը

Քաղաքագետ, «Դեմոկրատական այլընտրանք» կուսակցության քաղաքական խորհրդի նախագահ Սուրեն Սուրենյանցը գրում է.

«Երկու դիտարկում՝ Փաշինյանի հարցազրույցի վերաբերյալ

The Telegraph-ի հարցազրույցում Փաշինյանը, մեծ հաշվով, նորություն չի ասել, բայց երկու դրվագի վրա հրավիրում եմ Ձեր ուշադրությունը:

Խոսելով Ալմա-Աթայի հռչակագրի մասին, Փաշինյանն ասում է. «Ստորագրումից և վավերացումից հետո(խոսքը Ալմա-Աթայի հռչակագրի մասին է) տեղի են ունեցել շատ իրադարձություններ, բայց այս համատեքստում շատ կարևոր է արձանագրել, որ Պրահայում հոկտեմբերի 6-ին Ֆրանսիայի նախագահի և Եվրամիության խորհրդի նախագահի ներկայությամբ Հայաստանը և Ադրբեջանը, ըստ էության, այդ բոլոր իրադարձություններից հետո, վերահաստատել են, որ միմյանց տարածքային ամբողջականությունը ճանաչում են Ալմա-Աթայի հռչակագրի հիման վրա»:

Սույնով Փաշինյանն ուղղակիորեն արձանագրում է, որ այդ Հռչակագրի ստորագրումից հետո  «տեղի ունեցած շատ իրադարձություններ»(օրինակ՝ մի շարք միջազգային փաստաթղթերով, անգամ Նոյեմբերի 9-ի եռակողմ հայտարարությամբ ամրագրված ԼՂ փաստացի սուբեկտությունը) ինքը Պրահայում սրբագրել է՝ ԼՂ-ն ճանաչելով ունիտար Ադրբեջանի մաս: Ասածի ենթատեքստն այն է, որ ես կատարել եմ իմ պարտավորությունները, Ալիևը դրա դիմաց չի ճանաչում նույնիսկ Հայաստանի տարածքային ամբողջականությունը:

Բայց հարցազրույյցի մյուս դրվագն ավելի ուշագրավ է:

Պուտինի Հայաստանում ձերբակալելու հնարավորության մասին հարցին Փաշինյանը «կոտրատվելով» պատասխանում է, թե Հայաստանը իրավական երկիր է ու այդ հարցը պետք է որոշեն իրավապահ մարմինները(այսինքն, Փաշինյանն ուցիղ չասեց, թե Պուտինը Երևանում չի ձերբակալվի):
Շատ շուտով «հայելային» պատասխանը կստանանք՝ կպարզվի, որ Մոսկվայում գործում են Պուտինից «անկախ» պետական մարմիններ, որոնք «ինքնուրույն» կարող են թեթևակի Հայաստանի «աչքը» վախեցնել»։