![](https://panorama.am/news_images/988/2963979_1/marutyan1.thumb.jpg)
Հայկ Մարությանը՝ ՔՊ-ին. Կարո՞ղ ա ինձ ձեր քաղաքական առաջնորդի հետ եք շփոթում
Երևանի նախկին քաղաքապետ, ավագանու նախկին անդամ Հայկ Մարությանը ֆեյսբուքյան իր էջում հրապարակել է տեսանյութ, որտեղ մերկացնում է ՔՊ-ի ստերը, խոսում «ՔՊ-ի կողմից դեղին մամուլի ոճի մեջ պարբերաբար տարածվող դեզինֆորմացիայի բնույթի մասին»։
Նա անդրադառնում է այն մեղադրանքներին, թե Մարությանը կողմ է եղել տրանսպորտի թանկացմանը, ապա հրապարակում է ամբողջական տեսանյութն ու նշում, որ հրապարակված տեսանյութը կիսատ է հրապարակված։
«Ամենազավեշտալին այն է, որ տեսանյութից ՔՊ-ի փիարշիկները կադրից ինձ հանում են ու տեղը ոչ մի բան չեն դնում, իբր ես նոր ավտոբուսների հետ ոչ մի կապ չունեմ։ Դուք պատկերացնում եք, չէ՞ իրենք ուր են հասել, կադրից մարդ են հանում, էդ էլ հերիք չի, ՔՊ-ականներով վերնախավից մինչև ստորախավը տարածում են դա, իհարկե վերջում ներողություն խնդրեցին, բայց կներեք էլ ում է պետք այդ ներողությունը, եթե նույն ոճով շարունակում են»,-ասաց նա։
Մարությանը խոսեց նաև տարածված այլ տեղեկությունների մասին` էլ Քոչարյանի հետ է հանդիպել, էլ Ռուսաստանի շպիոն է։
«Իմիջիայլոց, Ռուսաստանի շպիոնի հետ կապված պատմությունը չգիտես ինչի, Վազգեն Սարգսյանի եղբայրն էր տարածում»,-ասաց նա։
Մանրամասները՝ տեսանյութում։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան