![](https://panorama.am/news_images/988/2963866_1/233349.thumb.jpg)
Կրակոցները դեռ գիշերվա 3-ից սկսվել են ու տևել են մինչև լուսաբաց. Ներքին Հանդի գյուղապետը մանրամասներ է հայտնել
ՀՀ ՊՆ-ն հայտնել է, որ այսօր ժամը 05:30-ից սկսած, Ադրբեջանի ԶՈւ ստորաբաժանումները հրաձգային զենքերից կրակ են բացել Ներքին Հանդի հատվածում տեղակայված հայկական դիրքերի ուղղությամբ, ինչի հետևանքով հայկական կողմը, նախնական տվյալներով, ունի 2 զոհ և վիրավորներ:
ArmLur.am-ի հետ զրույցում Սյունիքի մարզի Ներքին Հանդ վարչական շրջանի ղեկավար Խաչատուր Բաղդասարյանը քիչ առաջ հայտնեց, որ կրակոցները դեռ գիշերվա 3-ից սկսվել են ու տևել են մինչև լուսաբաց՝ 6-ը.
«Կրակոցները դիրքերի ուղղությամբ են եղել, բայց ոչ ինտենսիվությամբ, մեկ ուժեղ ձայներ էին լսվում, հետո՝ դադարում: Վիրավորների ու զոհերի մասին դեռ հստակ տեղեկություն չունեմ՝ ովքեր են»-ասել է նա:
Վարչական շրջանի ղեկավարը հայտնել է նաև, որ արդեն մոտ 40 րոպե հանգիստ է, կրակոցներ չեն լսվում:
Հարակից հրապարակումներ`
- Ադրբեջանի ԶՈՒ-ն հրաձգային զենքերից կրակել է Ներքին Հանդի դիրքերի ուղղությամբ, հայկական կողմն ունի վիրավորներ. ՊՆ
- Հայաստան-Ադրբեջան պետական սահմանին հայաստանցի դիրքապահների կողմից կրակ բացելու մասին տեղեկությունը հետաքննվում է․ ՊՆ ՌՈ
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան