![](https://panorama.am/news_images/989/2964057_1/f65cb408745c19_65cb408745c5a.thumb.jpg)
Պեսկով. Ռուսաստանը հուսով է, որ Երևանի և Բաքվի միջև խաղաղ գործընթացը կշարունակվի
Ռուսաստանը հույս ունի, որ Երևանի և Բաքվի միջև խաղաղության պայմանագրի ստորագրման գործընթացը կշարունակվի։ Այս մասին ասել է ՌԴ նախագահի մամուլի քարտուղար Դմիտրի Պեսկովը։
Հիշեցնենք, որ փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ են բացել Ներքին Հանդի հատվածում տեղակայված հայկական դիրքերի ուղղությամբ: ՀՀ ՊՆ հաղորդմամբ, թշնամու կրակի հետևանքով հայկական կողմն ունի 4 զոհ և 1 վիրավոր, նրա վիճակը գնահատվում է միջին ծանրության, այս պահի դրությամբ կյանքին վտանգ չի սպառնում։
Լրագրողները Պեսկովից հետաքրքրվել են՝ «արդյոք այս միջադեպը վտանգում է խաղաղության պայմանագրի ստորագրումը»։
«Անկասկած, սա տագնապալի լուր է, որ գալիս է շփման գծից։ Կոչ ենք անում երկու կողմերին ցուցաբերել զսպվածություն և ամեն կերպ խուսափել ցանկացած gործողությունից, որը մյուս կողմը կարող է սադրիչ համարել։ Մենք շատ ուշադիր կհետևենք։
Նման միջադեպերը նվազագույնը չեն նպաստում այս գործընթացի առաջխաղացմանը, բանակցային գործընթացին կամ խաղաղության պայմանագրի ստորագրման մոտենալուն։ Բայց մենք հույս ունենք, որ այս գործընթացը կշարունակվի»,- նշել է Պեսկովը։
Հարակից հրապարակումներ`
- Հանկարծամահ է եղել երկրապահ կամավորական Գոռ Ասատրյանը
- ՄԻՊ. Ներքին Հանդում բնակիչներն ահաբեկվել են, հայտնվել տագնապային վիճակում
- Մետաքսե Հակոբյան. Ներքին Հանդում ալիևի ձեռքով նիկոլի ապագան է ու ծանր «լռություն»
- ՊՆ-ն հաստատեց. թշնամու կրակոցներից հայկական կողմն ունի 4 զոհ
- Ներքին Հանդում հայ զինծառայողները խոցվել են ադրբեջանական այն դիրքերից, որոնք Հայաստանի տարածքի ներսում են. Թաթոյան
- Ներքին Հանդի ուղղությամբ ադրբեջանական զինուժի կրակը ժամը 09:30-ի դրությամբ դադարել է. ՊՆ
- ՀՀ ՊՆ-ն հերքում է Ադրբեջանի ՊՆ-ի տարածած հաղորդագրությունը
- Կրակոցները դեռ գիշերվա 3-ից սկսվել են ու տևել են մինչև լուսաբաց. Ներքին Հանդի գյուղապետը մանրամասներ է հայտնել
- Թշնամու կրակի հետևանքով Ներքին Հանդի ուղղությամբ ունենք 2 զոհ և վիրավորներ
- Ադրբեջանի ԶՈՒ-ն հրաձգային զենքերից կրակել է Ներքին Հանդի դիրքերի ուղղությամբ, հայկական կողմն ունի վիրավորներ. ՊՆ
- Հայաստան-Ադրբեջան պետական սահմանին հայաստանցի դիրքապահների կողմից կրակ բացելու մասին տեղեկությունը հետաքննվում է․ ՊՆ ՌՈ
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան