Ձեր վստահելի աղբյուրը

Փետրվարի 15-ին գազալցակայաններում հեղուկ գազի գինը 220 դրամից կտրուկ նվազեց՝ հասնելով 150-160 դրամ։  Նման գնային փոփոխությունների պատճառների շուրջ Panorama.am-ը զրուցեց  տնտեսագետ, Tvyal.com հարթակի ղեկավար Աղասի Թավադյանի հետ։

«Հեղուկ գազի գինը հիմնականում պայմանավորված է  Վերին Լրասի սահմանային անցակետի խցանումներով։ Այսինքը, ինչքան Ռուսաստանից հեղուկ գազը տեղափոխող բեռնատարների համար անցման ժամանակահատվածը երկարում է, տրանսպոտային ծախսերը մեծանում են, այնքան հեղուկ գազի գինը Հայաստանում բարձրանում է, որովհետև այստեղ այդ գնի մեջ հիմնականում մտնում են տրանսպորտային ծախսերը։

Ինչքան արագ, առանց խափանումների է հեղուկ գազը հասնում է Հայաստան, այնքան գինը նվազում է։

Գազի գինը սովորաբար ցիկլիկ է, ձմռան ամիսներին թանկանում է։ Եղանակի պատճառով անցողունակության սահմանափակման և Վերին Լարսի փակվելու դեպքերի պատճառով գինը սկսում է բարձրանալ։

Հենց որ այդ սահմանային անցակետում անցողուկանությունը բարձրանում է և եղանակային պայմանները բարելավվում են, հեղուկ գազի գինն ունենում նվազելու տենդենց։

Վերջին երկու տարվա ընթացքում հեղուկ գազի գնի միտումները հետևյալն են. և՛ 2023 թվականի փետրվար-մարտ ամիսներին, և՛ 2023 թվականի նույն ամիսներին, հեղուկ գազի գինը բավականին ընկավ և այս միտումը մենք հիմա ենք տեսնում։ Հեղուկ գազի գինը հիմնականում բարձ էր լինում սեպտեմբերից դեկտեմբեր ամիսների շրջանում, որից հետո նա սկսում է ընկնել։

Ասեմ, որ 2023 թվականի սկզբներին հեղուկ գազի գինը մոտավորապես 80 դրամ էր, որից հետո սկսեց աճել մինչև 200-220 դրամ։  Վերջին դեպքում պիկային կետն բավականին երկար ձգվեց և հիմա մենք իջեցում ենք տեսնում։

Իջեցումը դեռևս շարունակվելու է մինչև ամառվա սկիզբ, որից հետո մենք կրկին տեսնելու ենք հեղուկ գազի գների աճ։

Նաև պետք է հաշվի առնենք այն հանգամանքը, որ հեղուկ գազի 95 %-ից ավելին գալիս է ՌԴ-ից, սակայն վերջերս նկատվում է որոշակի մտահոգիչ միտում։ Հեղուկ գազի ծավալները միշտ աճել են, օրինակ2019 թվականին ներմուծվել էր 0.8 մլն դոլարի հեղուկ գազ, 2020 թվականինին՝ 3 մլն դոալարի,  2021 թվականին՝ մոտ 7.5 մլն դոլարի,  2022 թվականին արդեն 14 մլն դոլարի հեղուկ գազ, սակայն 2023 թվականին որոշակի կրճատում ունենք և 11 ամիսների տվյալներով ներ է մուծվել մոտավորապես 9.8 մլն դոլարի հեղուկ գազ։ Այսինքն նվազման միտումն էլ կա, որը մտահոգիչ է տնտեսության համար»,-ասաց Աղասի Թավադյանը։