Մեր բանակին պարտադրում են էլ ավելի շատ խեղճացած լինել, վաղը մեր զինվորն անգամ դիմադրելու ցանկություն չի ունենա․ Սերժ Սարգսյան

Քաղաքական 15:38 16/02/2024

Մեր բանակին պարտադրում են էլ ավելի շատ խեղճացած լինել, վաղը մեր զինվորն անգամ դիմադրելու ցանկություն չի ունենա․ Սերժ Սարգսյան

«Մեր բանակին ամեն կերպ խեղճացնում են այնպես, որ վաղը զինվորը չկրակի, երբ ադրբեջանցիները ճնշեն»,- դատական նիստեից հետո լրագրողների հետ զրույցում ասաց ՀՀ երրորդ նախագահ Սերժ Սարգսյանը։

Նա նշեց, որ դժվարանում է խոսել մեր բանակի ռեսուրսի չափի մասին, որովհետև ստույգ տեղեկություններ չունի։

«Բայց ակնհայտ է, որ մեր բանակին ուղղակի պարտադրում են էլ ավելի շատ խեղճացած լինել։ Երբ որ քո թշնամու պահանջով շատ արագ, ժամերի ընթացքում խոստանում ես հետաքննություն իրականացնել ու մեղավորներին գտնել ինչ-որ մի կրակոցի համար, վաղը, մյուս օրը, երբ ադրբեջանցիները ճնշեն, կարծում եմ, մեր զինվորները նույնիսկ ցանկություն չեն ունենա դիմադրել, քանի որ այդ դիմադրելու համար էլ կարող են հետաքննություն անցկացնել, պատժել և այլն»,- նշեց ՀՀ երրորդ նախագահը։

Հարցին՝ արդյոք նոր պատերազմ կլինի, Ս. Սարգսյանն ասաց․«Պատերազմը լինում է կողմերի միջև, որը գոնե ինչ-որ չափով հնարավորություն կտա ռազմական երկար գործողությունների»։

Հարցին՝ հնչում են մեղադրանքներ, որ 20 տարի ժամանակ եք ունեցել ու պատշաճ չեք կահավորել սահմանները, ՀՀ երրորդ նախագահը պատասխանեց. «Բանից պարզվում է՝ ադրբեջանցիները սպասում էին, որ մենք գնանք, հետո հարձակվեն, հետո ցույց տան, որ մեր դիրքերը պատշաճ կահավորված չէին։

Իհարկե, պատշաճ կահավորված են եղել։ Մենք ամեն ինչ ունեցել ենք այս պատերազմում այսպիսի ողբերգական հետևանքներ չունենալու համար։ Դուք մի լսեք այս մարդկանց, ովքեր բանակից ընդհանրապես բան չեն հասկանում»։

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: