Ձեր վստահելի աղբյուրը

Մարդու իրավունքների նախկին պաշտպան Արման Թաթոյանը փաստահավաք այցով Սյունիքի մարզի Ներքին Հանդ գյուղում էր, որի ուղղությամբ Ադրբեջանն օրեր առաջ կրակ էր բացել:

«2022 թվականի սեպտեմբերի 13-ից հետո մեր բնակչությանն ապրելակերպն օր օրի վատանում է, էսորվա դրությամբ մենք չունենք գերեզմանոց, որը թշնամու վերահսկողության տակ է»,-ասել է Ներքին Հանդի վարչական շրջանի ղեկավար Խաչատուր Բաբայանը:

Նա նաև նշել է, որ արոտավայրերը, սեփականաշնորհած հողերը եկեղեցին նույնպես Ադրբեջանցիների վերահսկողության տակ է։

Գյուղացիներից մեկն հայտնեց, որ մեկ տարուց  ավելի է, ինչ չենք կարողանում իրենց հողերը մշակում:

«Կրակում են, բայց մենք ոչ մի բանից տեղյակ չենք: Թուրքն ա մեղավոր, միշտ կրակում է մեզ վրա», -ասաց գյուղացին:

ՀՀ նախկին ՄԻՊ Արման Թաթոյանը հայտնեց, թե Ներքին Հանդ գյուղում փաստահավաք աշխատանքներն ապացուցել են, որ ադրբեջանական կրակոցները, որոնցից զոհվել էին հայ զինծառայողները,  արվել են այն վայրերից, որտեղ ներխուժել են:

«Ադրբեջանական զինված ծառայողները նաև գտնվում են գյուղի դպրոցի անմիջական հարևանությամբ: Դրա պատճառով գյուղի երեխաների, կյանքը,  առողջությունն ու անվտանգությունն ամբողջությամբ խաթարված է: Մարդիկ չեն կարողանում զբաղվել անասնապահությամբ: Արձանագրվում են նաև ականների պայթյուններ»,- նշեց Թաթոյանը։