![](https://panorama.am/news_images/989/2966599_1/capture.thumb.jpg)
Հայաստանի Սահմանադրությունը կփոխենք, թե ոչ, դա մեր ներքին գործն է. Պապոյան
«Հայաստանի Սահմանադրությունը կփոխենք, թե ոչ, դա մեր ներքին գործն է»,- ԱԺ-ում լրագրողների հետ զրույցում ասաց ՔՊ-ական պատգամավոր Գևորգ Պապոյանը՝ անդրադառնալով հարցին, որ Ադրբեջանը շարունակում է Հայաստանից պահանջել փոխել ՀՀ Սահմանադրությունը։
Նա նշեց, որ ՀՀ Սահմանադրությունը փոխելու, այնտեղ փոփոխություններ անելու շատ հստակ սուբյեկտներ կան, որոնք ինչ-որ դեպքերում կարող են այդ փոփոխություններն անել:
«Այդ սուբյեկտներից որևէ մեկը կորոշի օգտվել այդ իրավունքից, կանի այդպիսի առաջարկ սահմանադիրինի, այսինքն ժողովրդին, ժողովուրդն էլ կորոշի՝ ուզի, կփոխի, չի ուզի, չի փոխի: Դա բացարձակապես ժողովրդի որոշելիքն է: Դա բացարձակապես կապված է ՀՀ ներքին հարցերի կազմակերպման, կարգավորման հետ: Չի կարող դա որևէ կերպ կապ ունենալ որևէ երկրի պահանջների հետ, դա անթույլատրելի է, դա տեղի ունենալ չի կարող և վստահաբար այդպես տեղի չի ունենալու»,-ասաց նա:
Հարցին՝ արդյոք փոխվելու են այն բոլոր դրույթները, որոնց հետ կապված Ադրբեջանը խնդիրներ է տեսնում, մասնավորապես Արցախ, ցեղասպանություն, Պապոյանը նշեց. «Եթե Հայաստանում կհավաքվի ընտրական իրավունք ունեցող մարդկանց նվազագույնը 25 տոկոսից ավելի զանգված և այդ զանգվածի քվեարկությունը 50+ տոկոսով կլինի կողմ, ապա Հայաստանում կփոխվի Սահմանադրությունը կամ տեղի կունենան սահմանադրական փոփոխություններ: Եթե չի հավաքվի, ապա Սահմանադրությունը չի փոխվի: Սա նշանակում է, որ ՀՀ-ում Սահմանադրությունը փոխելու է ժողովուրդը, եթե կլինի այնպիսի բան, որի հետ ժողովուրդը խնդիր ունի, կողմ չի քվեարկի»:
Նա նշեց, որ 2018-ից հետո Հայաստանում ընտրություններ չեն կեղծվել և չեն կեղծվելու. «Եթե Սահմանադրությունն ընդունվի հանրաքվեով, մենք բոլորս պետք է հաշտ լինենք դրա հետ, եթե չընդունվի, նորից պետք է հաշտ լինենք: Անթույլատրելի է, որ անգամ մեկ քվե կեղծվի, և չպետք է կեղծվի: Ես ինքս պայքարելու եմ, որ մեկ քվե չկեղծվի»։
Հարակից հրապարակումներ`
- Աշոտյան. Սահմանադրությունը հերթական զոհերից մեկն է, կարևորը կուսությունը չստուգեն
- Նոր Սահմանադրությունը պատմության մեջ մնալու է որպես «ալիևյան սահմանադրություն»
- Անկախության Հռչակագրի գոյությունը չի կարող դադարել, անփոփոխելի փաստաթուղթ է ու կախված չէ Սահմանադրությունից. գիտնականներ
- Թշնամու պահանջով, Սահմանադրություն փոխելը, կապիտուլացիայի վերջին արարն է. Արմեն Մարտիրոսյան
Լրահոս
Տեսանյութեր
![Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ](https://panorama.am/video_images/17/49954_1/photo_2024_07_05_16_43_08_v3.thumb.jpg)
Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ
![Հայաստանը շուտով Ռուսաստանում ունենալու է նոր դեսպան . Ալեն Սիմոնյան](https://panorama.am/video_images/17/49949_1/f6687d2af81fab_6687d2af81fec.jpg)
![Գնդակը գտնվում է ադրբեջանական կողմում. Ալեն Սիմոնյան](https://panorama.am/video_images/17/49941_1/f6687b8f87fc6a_6687b8f87fcab.jpg)