Ձեր վստահելի աղբյուրը

«Մենք այս գործընթացը նախաձեռնել ենք բնակիչների պահանջով։ Իմ համբերությունն էլ այս ծրագրի հետ կապված սկսել է սպառվել։ 2022թ. սեպտեմբերից ծրագիրն իրականացնում ենք։ Այլևս հավելյալ քննարկումներ ընդունելի չեն»,-գործակարգավարական խորհրդակցության ժամանակ հայտարարեց քաղաքապետ Տիգրան Ավինյանը՝ անդրադառնալով Արզումանյան փողոցի 110 և 117  վթարային շենքերը քանդելու և բնակիչներին նոր բնակարաններով ապահովելու հարցը։

Նա հայտարարեց, որ, եթե մինչև այս պահը վերջնական ստանդարտների չեն եկել, ապա բնակիչների հետ հավելյալ քննարկումներ այլևս չեն լինելու։

«Որովհետև այն չի կարելի դարերով քննարկել, պետք է սկսել իրագործել։ Էդ մարդիկ ապրում են 4-րդ աստիճանի վթարային շենքում և Աստված մի արասցե մի բան պատահի։ Ըտենց քանի տարի պետք է իրանց հետ քննարկենք էդ հարցը, որ ժողովո՛ւրդ ջան վտանգավոր է ձեր կյանիք համար, ձեր պահանջով է այն իրականացվում և՝ ամենալավ պայմաններով։ Հետևաբար խնդրում եմ մի քիչ տեմպ հաղորդենք։ Ակնկալում եմ, որ նույնիսկ շաբաթական ռեժիմներով ասելու եք, թե ինչ քայլեր եք իրականացրել»,-նշեց Երևանի քաղաքապետը։