Ձեր վստահելի աղբյուրը

«Ես ուզում եմ մի քանի հայտարարություն անել։ Սիրելի երևանցիներ, դուք տեսնում եք, որ Երևան քաղաքում տասնյակներով հիմնանորոգվում են մանկապարտեզներ, մեր երեխանրը արդեն հաճախում են բարձր պայմաններով մանկապարտեզ և այնտեղ ծառայություններն ավելի բարձր որակով են կատարվում»,-Երևանի գործակարգավարական խորհրդակցության ժամանակ ասաց քաղաքապետ Տիգրան Ավինյանը։

Նա հայտնեց, որ հանրակրթական ոլորտում կատարվել է տարբեր վերանայումներ և արդեն արդյունքներ կան համալսարաններում, իսկ գիտության ոլորտում էականորեն՝4  անգամ ֆինանսավարումներն ավելացել են։

«Ամենաչլուծված խնդիրներ ունեցող ոլորտներից մեկը նախակրթարաններում մեր ֆինանսական փոխհատուցման չափերն են եղել և ուզում եմ տեղեկացնել, որ 2024 թվականի ընթացքում Երևանում մենք մոտավորապես 30 %-ով իրականացնելու ենք աշխատավարձերի վերանայում՝ դայակների, տնօրենների։ Իհարկե սա այն չափը չէ, որը կուզենայինք ունենալ։ 30 %-ը այն չափը չէ, որին աշխատավարձի վերանայումների առումով արժանի են այն մարդիկ, ովքեր այնտեղ աշխատում են»,- հայտարարեց Ավինյանը։

Քաղաքապետը հայտարարեց, որ այն դեռ սկիզբն է։

«Ուզում եմ հատուկ շեշտել, որ երբ մեզ մեղադրում են տարբեր հարկեր և տուրքեր ավելացնելու մեջ՝ ես ուզում եմ, որ երևանցիենրը նաև հասկական, որ այդ տուրքերի և վճարների ավելացումները  ուղղվում են նմանատիպ ծրագրերի նույնպես»,-վստահեցրեց Ավինյանը։