![](https://panorama.am/news_images/989/2966981_1/066.thumb.jpg)
Միայն 2021 թվականից հետո HSBC-ն դուրս է եկել շուրջ 7 երկրից. Դանիել Ազատյան
«Բանկային համակարգում տեղի ունեցող փոփոխություններին դրական ենք վերաբերվում, այն նոր շունչ ու թափ է հաղորդում համակարգին։ Միջազգային բրենդ ունեցող բանկերի ներկայությունն մեր բանկային համակարգում, թերևս մնում է կարևոր»,-ասուլիսում հայտնեց Հայաստանի բանկերի միության նախագահ Դանիել Ազատյանը։
Նա ասաց, որ, վերլուծելով HSBC բանկին վերաբերող համացանցում առկա տեղեկությունը, կարելի է արձանագրել, որ այդ բանկը որդեգրել է իր ակտիվները կապիտալի կենտրոններ տեղափոխելու և այլ շուկաներ մտնելու քաղաքականությունը։
«Միայն 2021 թվականից հետո HSBC-ն դուրս է եկել շուրջ 7 երկրից։ Խոսքը վերաբերում է՝ Ֆրանսիական մանրածախ բիզնեսին, Հունաստանի, ԱՄՆ-ի շուկաներին և այլն»,- տեղեկացրեց Ազատյանը և հավելեց, որ մինչ այդ էլ նա հեռացել էր ԱՊՀ երկրներից և մնացել էր միայն Հայաստանում։
Դանիել Ազատյանը հայտնեց, որ նման գործարքները երկարատև բանակցությունների արդյունքում են կայացվում, որոնք վարվում են միջազգային ընդունված կանոններով։
Հարակից հրապարակումներ`
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան