Ձեր վստահելի աղբյուրը

Հավաքական անվտանգության պայմանագրի կազմակերպության (ՀԱՊԿ) անդամ երկրները շարունակում են կենտրոնացած մնալ Հայաստանի հետ դաշնակցային հարաբերությունների զարգացման վրա, Երևանը մնում է դաշնակից և շարունակում է աշխատել կազմակերպությունում։ Այդ մասին ասվում է ՀԱՊԿ գլխավոր քարտուղար Իմանգալի Տասմագամբետովի «Международная жизнь» ամսագրում հրապարակված հոդվածում։

«Կազմակերպությունը պատրաստ էր խաղաղապահ առաքելություն ուղարկել հայ-ադրբեջանական սահմանին իրավիճակը վերահսկելու համար, սակայն այս աշխատանքի վերջին մասում Երևանը խնդրեց օրակարգից հանել համապատասխան փաստաթուղթը` կապված Բաքվի հետ առաջիկայուն սպասվող խաղաղության պայմանագրի կնքման հետ: Միևնույն ժամանակ շարունակվում է Հայաստանի աշխատանքը կազմակերպությունում, բազմակողմ շփումները Երևանում ՀԱՊԿ շրջանակներում իրականացվում են աշխատանքային ռեժիմով, Հայաստանը եղել և մնում է դաշնակից, ՀԱՊԿ երկրներն էլ իրենց հերթին կենտրոնացած են Հայաստանի Հանրապետության հետ դաշնակցային հարաբերությունների զարգացման վրա»,-նշել է Թասմագամբետովը։

Նա ասել է, որ ներկայիս միջազգային իրավիճակը նախանշում է ՀԱՊԿ գործունեության ոլորտները կարգավորող իրավապայմանագրային դաշտի հետագա կատարելագործման անհրաժեշտությունը, հիմնարար փաստաթղթերը հստակեցնելու և դրանք նոր պայմաններին համապատասխանեցնելու, կազմակերպությունում կառավարման որոշումներ կայացնելու ալգորիթմների կիրառման մեխանիզմները և գործիքները։