Ձեր վստահելի աղբյուրը

«Ալեքսանդր Թամանյանը մեզ թողել է այն գլխավոր հատակագիծը, որից կարելի է ելնել և այդպես էլ եղել է՝ գոտիավորում, հատուկ նշանակության գոտիներ։ Դրանք ժամանակի ընթացքում շատ խեղաթյուրվել են, խախտվել են»,- Երևանի քաղաքապետարանում «Ազգային առաջընթաց» խմբակցության ավագանու անդամ Հայկ Գրիգորյանի նախաձեռնած Երևանի գլխավոր հատակագծի նախագծի վերաբերյալ հանրային քննարկմանն ասաց ճարտարապետ Անուշ Տեր-Մինասյանը։

Նա նշեց, որ պետք է դրան վերադառնալ, հնարավորինս փոխել այն,  ինչ կարելի է փոխել, անպայման ունենալ շրջանցող մայրուղիներ։

«Ըստ իս, շատ կարևոր  է հուշարձանների խնդիրը։ Խոշոր  հուշարձանները շատ կարևոր դեր ունեն քաղաքի կերպարի ստեղծման համար։ Քաղաքի կենտրոնը հետաքրքրքի է և գրավում է  ներդրողներին հենց այդ հուշարձաններով, հմայիչ յուրահատուկ մթնոլորտով, բայց հենց  նրանք ներխուժում են այդ մթնոլորոտը, նրանք սկսում են  քանդել այդ հուշարձանները։ Շատ կարևոր է ոչ միայն պահպանել դրանք, նաև ստեղծել հատուկ  պաշտպանիչ գոտիներ, մշակել օրենք, թե հուշարձանից ինչ հեռավարության վրա կարելի է որևէ նոր բան կառուցել և ինչ նոր բան պետք է լինի»,- ասաց Անուշ Տեր-Մինասյանը։ 

Ճարտարապետն ընդգծեց, որ քաղաքի կերպարը շատ կարևոր է մարդկանց դաստիարակության համար. «Ինչպիսի մարդ է մեծանում ինչ-որ անդեմ մի միջավայրում, ինչպիսի մարդ է մեծանում մի քաղաքում, որն ունի ավանդույթներ։

Իհարկե, մեր քաղաքից քիչ բան է պահպանվել, բայց պետք է փորձել ինչ-որ ձևով պահպանել, առաջ գնալ, ճիշտ վարվել։ Անշուշտ, օրենք է պետք»։ 

Մանրամասն՝ տեսանյությում։