Ձեր վստահելի աղբյուրը

Մեծի Տանն Կիլիկիո Կաթողիկոսությունից  հայտնում են, որ Արամ Ա Վեհափառ Հայրապետը հեռախոսազրույց է ունեցել Միջազգային քրեական դատարանի հիմնադիր դատախազ Լուիս Մորենո Օկամպոյի հետ։

«Չորեքշաբթի, 21 Փետրուար 2024-ին, Ն.Ս.Օ.Տ.Տ. Արամ Ա. Վեհափառ Հայրապետին և Միջազգային Քրէական Դատարանի առաջին ընդհանուր դատախազ դոկտ. Լուի Մօրէնօ Օքամփոյի միջև հեռաձայինային հաղորդակցութիւն տեղի ունեցաւ։ Յայտնենք, որ դոկտ. Օքամփօ միջազգային համբաւ և յարգարնք վայելող դատախազ է, որ կը բարձրաձայնէ ազգերու ու ժողովուրդներու բռնաբարուած իրաւունքներու վերահաստատման ու վերատիրացման պահանջատիրութիւնը։

Խօսակցութեան ընթացքին Վեհափառ Հայրապետը և դոկտ. Օքամփօն ընդգծեցին, որ իրաւաքրէական սկզբունքներու և միջազգային համապատասխան օրէնքներու հիման վրայ, Ազրպէյճանի կիրարկած ցեղասպանական քաղաքականութիւնը կանխամտածուած և ծրագրաւորուած ցեղասպանութիւն էր՝ ընդդէմ Արցախի ժողովուրդին։

Խօսակիցները նաև անդրադարձան Կովկասի և Միջին Արևելքի վերջին իրադարձութիւններու ընթացքին գործադրուած ցեղասպանութեանց և ցեղային զտման գործընթացներուն։ Շեշտուեցաւ ցեղասպանութիւններու անպատժելիութեան երևոյթը, որ պատճառ կը հանդիսանայ նոր ցեղասպանութիւններու գործադրութեան։

Այս առիթով, Վեհափառ Հայրապետը բարձր գնահատեց դոկտ. Օքամփոյի տարած աշխատանքները և յատկապէս Արցախի դէմ Ազրպէյճանի իրականացուցած գործողութիւնները ցեղասպանական քաղաքականութիւն նկատող իր աշխատասիրութիւնը, որոնք միջազգային իրաւաբանական մտածողութեան մէջ լայն տեղ գտած են և մեկնած են մարդկային իրաւանց սկզբունքներէն»։