Սուրենյանց. Այս ամենը շատ հրաշալի կլիներ, եթե տեղի չունենար հայ-ռուսական հարաբերությունների ճգնաժամի ֆոնին
«France 24-ին Նիկոլ Փաշինյանի տված հարցազրույցը լի է հակասություններով»,-Panorama.am-ի հետ զրույցում նման գնահատական հնչեցրեց քաղաքագետ Սուրեն Սուրենյանցը։
Նա մի քանի արձանագրում արեց. Փաշինյանը մի կողմից հայտարարում է, որ մեզ սպասվում է նոր էսկալացիա, խոսում է Ադրբեջանի ագրեսիվ մտադրությունների մասին, մյուս կողմից ավելացնում է երկրի թշնամիների թիվը։ Հիշեցնենք, որ հիշյալ հարցազրույցում Փաշինյանը հայտարարել է ՀԱՊԿ-ին Հայաստանի մասնակցության սառեցման մասին։
«Նման անհեթեթ վիճակ շատ դժվար է պատկերացնել։ Սովորաբար եթե որևէ երկիր զգում է արտաքին վտանգի ռեալություն, նրա արտաքին քաղաքականությունը միտված է լինում դաշնակիցների թվի ավելացմանը, որպեսզի նա կարողանա բոլոր հարթակներում ակտիվ համագործակցությամբ կանխել իր թշնամու ագրեսիվ մտադրությունները։ Հնարավոր չէ մի կարճ հարցազրույցում խոսել Ադրբեջանի ագրեսիվ մտադրությունների մասին, իսկ մյուս դրվագում ամեն ինչ անել հայ-ռուսական հարաբերությունները վերջնականապես ոչնչացնելու համար»,-ասաց Սուրենյանցը։
Նա համարում է, որ ԵԽ կողմից վիզաների ազատականացման մասին հայտարարությունը պայմանավորված է Փաշինյանի հարցազրույցում հնչեցրած հակառուսական հայտարարությունների հետ։
«Իհարկե, կապված է։ Արևմուտքը Փաշինյանից ուզում է հակառուսական նախաձեռնություններ, որոնց դիմաց ինչ-որ քայլեր է անում։ Բայց եկեք չմոռանանք, որ վիզաների ազատականացման խնդրի հանգուցալուծումը պատկանում է ԵԽ գործադիր մարմիններին, այսինքն ԵԽ որոշումը խորհրդատվական բնույթ ունի, թող մեզ շատ չոգևորի։ Չմոռանանք նաև, այս ԵԽ-ի մանդատին շատ քիչ ժամանակ է մնացել»,-ասաց նա։
Սուրենյանցը ողջունում է այս օրերին Ֆրանսիայի պաշտպանության նախարարի այցը Հայաստան, ինչպես նաև դրական է գնահատում ռազմատեխնիկական համագործակցության դիվերսիֆիկացմանն ուղղված Հայաստանի փորձերը։
«Ինչքան շատ երկրից զենք ստանանք, էնքան լավ։ Բայց այս ամենը շատ հրաշալի կլիներ, եթե տեղի չունենար հայ-ռուսական հարաբերությունների ճգնաժամի ֆոնին։ Ես կարծում եմ այն, ինչ մեզ տալիս է կամ խոստանում է Արևմուտքը, այդ թվում Ֆրանսիան, համարժեք չէ այն մարտահրավերներին, որոնք կարող են առաջանալ հայ-ռուսական հարաբերությունների ճգնաժամի հետևանքով»,-ասաց նա։
Մանրամասները՝ ձայնագրությամբ։
Հարակից հրապարակումներ`
- Ադրբեջանի կողմից հարձակման վտանգ կա. Սուրեն Պապիկյան
- ՀՀ և Ֆրանսիայի միջև ռազմական համագործակցությունն արդեն իսկ համակարգային և հեռահար բնույթ ունի. Պապիկյան
- ՀԱՊԿ-ը մեկնաբանել է Փաշինյանի հայտարարությունը
- Եվրոպական խորհրդարանը հաջորդ շաբաթ բանաձև կքննարկի Հայաստանի հետ ԵՄ վիզաների ազատականացման վերաբերյալ
- Հայաստանը սառեցրել է իր մասնակցությունը ՀԱՊԿ-ին. Փաշինյան
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
