Ձեր վստահելի աղբյուրը

«Հայաստանում արտահերթ ընտրությունների անցկացման որոշումն այս իշխանությունները չէ, որ կայացնում են, արևմուտքին եթե պետք լինի նոր խորհրդարան՝ նոր պատգամավորներով, ապա տեղի կունենա արտահերթ ընտրություններ»,-Panorama.am-ի հետ զրույցում նման համոզմունք հայտնեց քաղտեխնոլոգ Արմեն Բադալյանը։

Նրա խոսքով, այս քաղաքական թիմը 2018-ին իշխանութան է եկել երեք հստակ նպատակով՝ Արցախը հանձնել Ադրբեջանին առանց հայերի, Զանգեզուրի միջանցքի ստեղծում, այդ հարցն այժմ հետաձգված է, Ռուսաստանի հետ բոլոր տեսակի հարաբերությունների խզում։

«ՀԱՊԿ-ի անդամակցության սառեցման վերաբերյալ վարչապետի հայտարարությունները տեղավորվում են երրորդ կետի տրամաբանության մեջ։ Հիմա արդեն երրորդ կետն իրականություն է սկսում դառնալ։  Հայաստանը սառեցնում է Ռուսաստանի հետ ռազմաքաղաքական միության շրջանակներում համագործակցությունը, ինչպես նաև ԱՊՀ հետ համագործակղությունը»,-ասաց քաղտեխնոլոգնը։

Նրա խոսքով, հենց այս տրամաբանության մեջ է տեղավորվում Ուկրաինայի նախագահ Վ. Զելենսկու այցը Հայաստան, որը հակառուսական ցուցադրական նշանակություն ունի, միաժամանակ կարող է խիստ բացասական դիտվել Ռուսաստանի կողմից։

«Իհարկե սա չի նշանակում, որ Հայաստանն աշխատում է  արևմտյան կառույցների հետ, մենք նման բան չենք տեսնում։ Հայաստանը վարում է ընդգծված հակառուսական քաղաքականություն, սա չպետք է շփոթել արևմտամետ քաղաքականություն չէ, սա հակառուսական քաղաքականություն է»,-ասաց նա։

Արտահերթ խորհրդարանական ընտրությունների, Սահմանադրության հնարավոր փոփոխությունների մասին՝ ձայնագրությամբ։