![](https://panorama.am/news_images/990/2969658_1/grigoryan_headshot_square.thumb.jpg)
Ջուլիանա Գրիգորյանն արժանացել է Հիլդեգարդ Բերենսի անվան մրցանակին
Հիլդեգարդ Բերենսի 14-րդ ամենամյա մրցանակը շնորհվել է Մետրոպոլիտեն Օպերայի Լինդեմենի երիտասարդ արտիստների զարգացման ծրագրի սոպրանո Ջուլիանա Գրիգորյանին։ Այս մասին տեղեկանում ենք operawire.com կայքից։
Գրիգորյանը ծրագրի առաջին կուրսում է և մրցանակը ստացել է 2024 թվականի փետրվարի 9-ին Մետրոպոլիտեն օպերայի Grand Tier-ում՝ գերմանացի հայտնի օպերային երգչուհի Բեհրենսի ծննդյան 87-ամյակի տոնակատարության ժամանակ:
«Իսկապես զարմացա, երբ ստացա այս անհավանական մրցանակը: Շատ կարևոր է զգալ այս աջակցությունը կարիերայիդ առաջին քայլերում»,- ասել է Գրիգորյանը։
Նույն աղբյուրի հաղորդմամբ, Մետրոպոլիտեն Օպերան հայտարարել է դերասանական կազմի փոփոխության մասին 2024 թվականի մարտի 2-ին կայանալիք Ջակոմո Պուչինիի «Տուրանդոտ» ներկայացման համար։ Լիուի դերում Ալեքսանդրա Կուրզակին կփոխարինի Ջուլիանա Գրիգորյանը։
Ջուլիանա Գրիգորյանը Ա. Սպենդիարյանի անվան օպերայի և բալետի ազգային ակադեմիական թատրոնի երիտասարդական օպերային ծրագրի մենակատար է: Նա ելույթ է ունեցել Հայաստանի պետական սիմֆոնիկ, Հայաստանի ազգային ֆիլհարմոնիկ, Հայաստանի ազգային կամերային, օպերային թատրոնի նվագախմբերի հետ: Բազմաթիվ համերգներով հանդես է եկել Հայաստանի մարզերում և Արցախում:
Ջուլիանա Գրիգորյանը համագործակցել է կոմպոզիտորներ Տիգրան Մանսուրյանի, Ռոբերտ Ամիրխանյանի, Վաչե Շարաֆյանի հետ: Նա արժանացել է տարբեր մրցանակների, այդ թվում Պլասիդո Դոմինգոյի հովանու ներքո անցկացվող «Operalia-2022» համաշխարհային մրցույթում նվաճել է առաջին մրցանակը:
Հարակից հրապարակումներ`
- Սոպրանո Ջուլիանա Գրիգորյանը ելույթ կունենա Պրահայում
- Օպերալիան հաղթանակած սոպրանո Ջուլիանա Գրիգորյանն ու չեխ տենոր Պետր Նեկորանեցն հանդես կգան միասին
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան