Ձեր վստահելի աղբյուրը

«Առաջարկում ենք ավտոմեքենաների կողային ապակիների լուսաթափանցելիության դեպքում խախտումը մեկ տարվա ընթացքում կրկին, կամ յուրաքանչյուր հաջորդ անգամ կատարվելու դեպքում, սահմանվում է տուգանք՝ նվազագույն աշխատավարձի 29-ապատիկի չափով և տուգանային 2 միավորի կիրառում»,- ԱԺ-ում հայտնեց Ներքին գործերի փոխնախարար Արփինե Սարգսյանը։

Նա տեղեկացրեց, որ մինչ այդ բալային համակարգ չէր կիրառվում, բայց,  հաշվի առնելով չարամիտ վարքագիծը, երկրորդ դեպքի համար սահմանվում է բալային համակարգի կիրառում։

Փոխնախարարը տեղեկացրեց, որ պատգամավորնեի ատաջրակով կարմիր գծերում կանգնելու տուգանային միվարները 0.5-ից իջեցվել են 0,25-ի։

«Ընդունել ենք «Հայաստան» դաշինքի ներկայացրած բոլոր առաջարկները, որին միացել են նաև ԱԺ հանձնաժողովի բոլոր անդամները։ Գործող կարգավորումներով նախատեսված է, որ եթե տուգանքը նշանակվում է ոստիկանի կողմից, այն պետք է հաստատվի վարչական դատարանի կողմից,  և փոխում էին կարգավորումը և սահմանում, որ այն կարող է կայացվի միանգամից ոստիկանության կողմից, սա հանել ենք առաջարկվող կարգավորման փաթեթից»,-հայտնեց փոխնախարարը։

Նա ասաց, որ այն հանվել է, ոչ թե առաջարկների հիմնավորմամբ պայմանավորված, այլ հատվաճական կարգավորում չէին ուզում իրականացնել և այդ կարգավորումը կառավարությունը կբերի Վարչական իրավախախտումների վերաբերյալ նոր օրենսգրքի ներկայացման շրջանակներում։