![](https://panorama.am/news_images/991/2970624_1/f65df897cbd99b_65df897cbd9db.thumb.jpg)
Ժաննա Անդրեասյան, որքան կլինի 1- 18,3%
ԿԳ ՍՄ նախարար Ժաննա Անդրեասյանը փաշինյանյան հպարտությամբ համեմատում է իրենց ավիրած հայաստանյան կրթության համակարգը աշխարհի հետ. «Այս արդյունքի մասին խոսում ենք մի պայմանում, երբ ամբողջ աշխարհը քննարկում է, թե համավարակի հետևանքով յուրաքանչյուր երկիր դպրոցական համակարգում քանի ամսվա կամ նույնիսկ տարվա կորուստ է ունեցել։ Մյուս երկրները հաշվում են իրենց կրթական կորուստը, մենք՝ կրթական առաջընթացը»։
Ինչպիսի պաթոս՝ անհայտ տեղում։
Անեկդոտ է հիշեցնում։
Բիձան գնում է բժշկի, ասում է.
- Բժիշկ, անկար եմ դարձել։
-Քանի՞ տարեկան ես։
- 80։
-Դե, բիձա, ժամանակն է վաղուց։
-Բայց 84 տարեկան հարևանս ասում է, որ ինքը կարողանում է։
- Է դու էլ ասա։
Չգիտեմ որ բժշկի մոտ է նախարարի աթոռին նստածը, բայց իրեն ասել են՝ դուշի պատմությունը լավը չէր, սկսի ԱՍԵԼ։
Սա էլ ասում է։ Բա թե 2015-ին ուսումնասիրությունը ցույց է տալիս...
Դա 9 տարի առաջ էր։ Իսկ ինչ ես արել դու, տիկին Ժ. Ա., ուսումնական մեթոդի բարելավման համար, բացի այն, որ անհայտ հաջողությամբ ինչ-որ մեթոդ է ներդրած Տավուշում, չորրորդ դասարանները էլ, չգիտես ինչու, քննություն չեն տալու, իսկ հունվարի ավարտական քննությունները խայտառակ արդյունք ցույց տվեցին։
Թե բա՝ «վեց ամսով» բարելավվել է կրթական բացը։ Է՞, հինգ տարի է, չե՞ք կարողանում ժամանակն ու կրթական ծրագիրը հավասարեցնե՞լ։ Ութամյա դարձրեք, եթե 12 ամյա կրթությամբ, առանց կրկնուսույցի, չեք կարողանում ապահովել 100 տոկոսանոց անցում բուհ։
Դու՞ք ինչու եք ուտում երեխաների ժամանակը։ Որպեսզի հետո շտապ տանեք բանա՞կ։ Նրանց, ովքեր բանակից ազատման «օրինական» կաշառքը չեն մուծել։
Ու չի ամաչում, կորոնայի մասին էլ խոսում է։ Ու՞մ հայտնի չէ, որ հեռավար ուսուցման կազմակերպման մեծ մասը ծնողների վրա էր։ Խոսում է կորոնայի մասին, երբ իր կուսակիցներ Ա. Թորոսյանն ու Տ. Ավինյանը բարձր մահացության արդյունքներ էին ապահովում «այլ երկրների» հետ սանդղակում։
Տավուշում ներդրվելու է ուսումնական նոր մեթոդ, որով հանվում են 4-րդ դասարանի քննությունները այն պայմաններում, երբ հունվարի արդյունքները ցույց տվեցին, թե որքան վատ է կազմակերպած ուսուցման ընթացքը։
Եթե նույնիսկ ենթադրենք, որ երեխաները ավելորդ 4,5 հզր դրամ ունեն, եթե նույնիսկ ենթադրենք, որ ուզում են փորձել, թե կրկնուսույցների հետ ուր և ինչ արդյունքի են հասել, տիկին Ժ. Ա., ինչ եք ձեռնարկել, որ հիմա էլ չորրորդից հանում եք քննությունները, ձևական թեստ եք մտցնում՝ երեխաների գիտելիքների մասին տեղեկություն ունենալու։ Թեստ, որ չի էլ ազդելու փոխադրման վրա։
Դուք ձեզ ձեռք եք առե՞լ։
Ինչ է մտածում երեխան ձեր մասին, երբ ստանում է անբավարար ու փոխադրվում է։ Ինչ եք անելու այդ անբավարարները։ Ձեր պատկերացմամբ՝ Փաշինյանը կառավարության նիստում կասի, որ դժգոհ է արդյունքներից, «թափանցիկությունը» ապահոված գոհ կգնա՞ք տուն։
Եկեք էլի թվերի նայենք։
Հունվարի 20-ից մինչև փետրվարի 4-ը՝ 6 քննական օրերի ընթացքում, քննություն են հանձնել 12 առարկայից 9604 դիմորդ:
«Հայոց լեզու և հայ գրականություն» առարկայի քննությանը 589 դիմորդ մասնակիցների դրական միավորի շեմը չի հաղթահարել մասնակիցների 18,3%-ը։ Համարյա՝ 1/5-ը։ Տիկին Ժ.Ա., Խորենացու մասին կատակներ էիք անում, մի լկտի կատակ էլ Մաշտոցի մասին ասեք, ձեզ սազական է։
Սա՞ է ձեր արդյունքը։ Ախ հա, դուք դրականն էիք հաշվում։ Օկ, 1-ից հանեք 18,3%-ը, հաշվեք։
«Քիմիա» առարկա՝ դրական միավորի շեմը չի հաղթահարել մասնակիցների 33,4%-ը։
«Աշխարհագրություն» առարկա՝ դրական միավորի շեմը չի հաղթահարել մասնակիցների 17,9%-ը։
«Անգլերեն» առարկա՝ դրական միավորի շեմը չի հաղթահարել մասնակիցների 16,9%-ը;
«Գերմաներեն» առարկա՝ դրական միավորի շեմը չի հաղթահարել մասնակիցների 13,3%-ը։
«Ֆրանսերեն» առարկա՝ դրական միավորի շեմը չի հաղթահարել մասնակիցների 16,1%-ը։
«Ֆիզիկա» առարկա՝ դրական միավորի շեմը չի հաղթահարել մասնակիցների 30%-ը։
«Հայոց պատմություն» առարկա՝ դրական միավորի շեմը չի հաղթահարել մասնակիցների 24,8%-ը։
«Մաթեմատիկա» առարկա՝ դրական միավորի շեմը չի հաղթահարել մասնակիցների 24,95%-ը։
Եվ այլն։
Դրականի մասին էիք խոսու՞մ։
Ու ինչ են անելու երկրորդ կիսամյակում անբավարար ու 20 միավոր հավաքած աշակերտները։ Ինչպես է նրանց դասը կազմակերպվելու, ինչ ծրագիր է լինելու, որ անբավարար ստացածը հասնի բավարարի, միևնույն ժամանակ՝ 20 ստացողը... ի՞նչ անի։
Մի քանի դպրոցներից ուՀՀ ԿԳ ՄՍ նախարարությունից էլ ճշտեցինք, որ եթե նույնիսկ երեխան 20 է ստանում քննությունից, միևնույն է՝ պիտի գնա այդ առարկայի դասերին։
Ինչպես դիպուկ նկատեց մի ծնող՝ ուղղակի այս առարկայի կրկնուսույցներին ավել գումար չեն տա, էլի։
Այսքան բան՝ 4500 դրամանոց քննությամբ։
Ինչու՞ եք վատնում երեխաների ժամանակը։ Ինչու՞ եք կպել այդ պաշտոններին, եթե ձեր արդյունքը միայն ասելով է։
Տիկին Ժ.Ա., 2023 թվականին անկար ձեռքով ես ստորագրել քննության կարգը, հետո խոսում ես երեխաների ժամանակը գողանալու մասին։ Հանձնե՞լ է երեխան քննությունը 20-ի, թող էլ չգա այդ ժամերին, կրկնությունը որն է։ Կարող է մի հատ էլ քննություն տա, 21 ստանա՞։
23 թվականին ԿԳ ՍՄ նախարարը ստորագրում է, թե որ դասարանները պիտի քննություն տան, 24 թվականին փոշմանում է, թե՝ չորրորդները չեն տա։
Դուշը։ Դուշն ինչ արժե, Ժաննա Անդրեասյան, որքան միջոցներ փոշիացրեցիք «դպրոցաշինության» վրա, որ կարելի էր ուղղել... ը, նախարարների աշխատավարձի բարձրացմանը։
Հա, դպրոցաշինությունը ես չեմ ասում, ձեր առաջնորդի համոզմամբ ու լեզվական իմացությամբ՝ դպրոցաշինությունը դպրոցների շենքերի շինարարությունն է։
Կասեի՝ ամոթ է, այս ինչ եք անում, ձեր ձեռքի տակ երեխաներ են... բայց ես ռեալ վերլուծող եմ, ավելորդ բառեր չեմ ասում։
Անահիտ Ոսկանյան
Հարակից հրապարակումներ`
- 7-րդ դասարանի երեխաների ծնողները դատի են տվել Ժաննա Անդրեասյանին
- Ժաննա Անդրեասյանն իր գաղափարախոսությամբ կարող է հավակնել Ադրբեջանի կրթության նախարարի պաշտոնին. Էդգար Ղազարյան
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան