![](https://panorama.am/news_images/991/2971680_1/17093084636617.thumb.jpeg)
Հայաստանի Դիվանագետի օրը Հայաստանի արտաքին գործերի նախարարն այն նշում է Թուրքիայում. Էդգար Ղազարյան
Լեհաստանում ՀՀ նախկին դեսպան Էդգար Ղազարյանը գրում է.
«2012 թվականի մարտի 22-ից, ՀՀ կառավարության որոշմամբ, Մարտի 2-ը Հայաստանի Հանրապետությունում նշվում է որպես Դիվանագետի օր։ Օրվա խորհուրդը կապվում է 1992 թվականին Միավորված ազգերի կազմակերպությանը (ՄԱԿ) Հայաստանի անդամակցության հետ, երբ առաջին անգամ այդ կազմակերպության կենտրոնական գրասենյակի բակում հանդիսավորությամբ բարձրացվեց Հայաստանի Հանրապետության պետական դրոշը։
Պատիվ եմ ունեցել նաև դիվանագետի կարգավիճակում ծառայել Հայաստանի Հանրապետությանը։ 2012 թվականին, ՀՀ Վայոց ձորի մարզպետի պաշտոնում առաջին անգամ ստացել եմ ՀՀ դիվանագիտական անձնագիր, 2014 թվականին նշանակվել եմ Լեհաստանի Հանրապետությունում Հայաստանի Հանրապետության արտակարգ և լիազոր դեսպան, 2017 թվականին, Դիվանագետի օրվա առթիվ ՀՀ Ազգային ժողովի նախագահի կողմից պարգևատրվել եմ Հայաստանի Հանրապետության Ազգային ժողովի Պատվո Մեդալով, իսկ 2018 թվականին Հայաստանի Հանրապետության Նախագահն ինձ շնորհել է Հայաստանի Հանրապետության արտակարգ դեսպանորդ և լիազոր նախարարի բարձրագույն դիվանագիտական աստիճան։
Հայաստանի Հանրապետությունը կործանող չարագործները գեղեցիկ և խորհրդանշական այս տոնը վերածել են հիշատակի օրվա, որի ժամանակ հայ դիվանագետները միայն իրենց հիշողություններով կարող են խոսել հայկական դիվանագիտության երբեմնի ձեռքբերումների և հաջողությունների մասին։
Հ․Գ․ 2024 թվականին, Հայաստանի Դիվանագետի օրը Հայաստանի արտաքին գործերի նախարարն այն նշում է Թուրքիայում»։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան