![](https://panorama.am/news_images/991/2972415_1/a36f38922bb04457ae8d549939ab2f43.thumb.jpg)
«Freedom House»-ի զեկույցը «սառը ցնցուղ» է հայաստանյան իշխանության համար և ասեղ անընդհատ փչվող «ժողովրդավարական բաստիոն»-ի պայթյունի համար․ Աբրահամյան
ՀՀԿ փոխնախագահ Արմենն Աշոտյանը «Նուբարաշեն» քրեակատարողական հիմնարկից հոդվածով անդրադարձել է «Freedom House» միջազգային իրավապաշտպան կազմակերպության ամենամյա զեկույցին, որը միանշանակորեն «սառը ցնցուղ» է հայաստանյան իշխանության համար և ասեղ անընդհատ փչվող «ժողովրդավարական բաստիոն»-ի պայթյունի համար:
Ինքս անկեղծ ասած հպանցիկ էի զեկույցը կարդացել, սակայն Արմենը բոլոր մանրամասներով ջարդել է կեղծ ժողովրդավարության բոլոր միֆերը:
Հատկապես ուշագրավ է զեկույցի` դատական համակարգին վերաբերվող հատվածները:
«Կա՞ անկախ դատական համակարգ» հարցով մեր երկիրը ստացել է ընդամենը 1 բալ` 4 հնարավորից: Նույն վիճակը «քրեական և քաղաքացիական գործերով օրինական գործընթացի ապահովում» ցուցանիշով է՝ 1 բալ 4-ից:
Միջազգային զեկույցի հեղինակներն արձանագրել են, որ «դատարաններն առնչվում են համակարգային քաղաքական ազդեցությանը, և դատական ատյաններն ախտահարված են կոռուպցիայով:
Դատարանները ենթարկվում են ճնշումների դատախազների կողմից՝ հօգուտ մեղադրական դատավճիռների»:
Ի՞նչն է պատճառը, որ մի կողմից Արևմուտքը շոյում է ՀՀ իշխանության գլուխը, իսկ մյուս կողմից այսպիսի զեկույց:
Ըստ Արմեն Աշոտյանի, որքան էլ Արևմտյան կառույցները փայփայեն Նիկոլի գեոպոլիտիկ ավանտյուրիզմը, մեկ է, նրանք արձանագրում են Հայաստանում տիրող վիճակը, որովհետև մի կողմից՝ պետք է երես պահեն (face-saving), մյուս կողմից՝ Նիկոլի ՉՊ-ներն արձանագրելով՝ հարկ եղած դեպքում օգտագործվող մահակներ են պահեստավորում, եթե հանկարծ Նիկոլն այլ խաղեր փորձի տալ»:
Հարակից հրապարակումներ`
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան