Ձեր վստահելի աղբյուրը

«Երբեմն, երբ նույնիսկ դժվարին որոշումներ ենք կայացնում հանրային տարածքներից վերադարձի հետ կապված` սկսում են այդ խոսակցությունները` ինչու հարուստներինն առաջինը չեք անում: Վստահեցնում եմ` նույն օղակաձև այգում, տարբեր այգիներում, որտեղ մենք իրականացրել ենք քանդման աշխատանքներ, հաստատ խեղճ մարդկանց տարբեր օբյեկտներ չեն քանդվել»,-Երևանի քաղաքապետարանի գործակարգավարական խորհրդակցության ժամանակ ասաց քաղաքապետ Տիգրան  Ավինյանը՝ անդրադառնալով փետրվարի 29-ին Նոր Նորք վարչական շրջանի Լվովյան փողոցում, Թաթուլ Կրպեյանի անվան զբոսայգու հարակից տարածքում 8 ինքնակամ կառուցված  շինությունների քանդման աշխատանքներին:

Թաղաքապետը հիշեցրեց, որ այդ գործընթացն ինտենսիվ կերպով սկսվել է 2022-ի վերջից:

«Երբ խոսքը հեկտարներով այգու, դրա մեջ տարատեսակ քոլիկներ քանդելու մասին է լինում, էստեղ մենք անբեկելի ենք, մեզ հետ որևէ կոմպրոմիս հնարավոր չէ, հնարավոր է միմիայն քննարկել այդ մարդկանց, եթե իրականում ունեն կեցության խնդիր, այդ մարդկանց կեցության հարցերի լուծումը»,-հայտարարեց Ավինյանը:

Մինչ այդ Երևանի քաղաքապետարանի Հասարակական կարգին պահպանության ծառայության պետ Արամ Գյուլզադյանը զեkուցեց, որ քանդվել են 8 ինքնակամ շինություն և 4 ցանկապատ է ապամոնտաժմել։

«Քանդման աշխտանքները կրելու են շարունակական բնույթ և սեղմ  ժամկետներում կկազմակերպվեն և կիրականացվեն վերոհիշյալ տարածքի այլ հատվածներում ինքնակամ շինությունների քանդման  աշխատանքները»,-հայտնեց Գյուլզադյանը: