![](https://panorama.am/news_images/991/2972698_1/mosad_1.thumb.jpg)
Ստամբուլում յոթ մարդ է ձերբակալվել «Մոսադ»-ում աշխատելու համար
Թուրքական ոստիկանությունը և հետախուզության աշխատակիցները Ստամբուլում ձերբակալել են յոթ մարդու, ովքեր կասկածվում են իսրայելական «Մոսադ» հետախուզական ծառայության շահերից ելնելով աշխատելու մեջ։ ՏԱՍՍ-ի փոխանցմամբ, այդ մասին հայտնում է TRT հեռուստաալիքը։
Քաղաքում ռեյդերը տեղի են ունեցել ավելի վաղ՝ ոստիկանության և Թուրքիայի ազգային հետախուզական կազմակերպության համատեղ գործողության շրջանակներում։ Նշվում է, որ ձերբակալվածները տեղեկություն են վաճառել Մոսադին։
Նրանց թվում է մասնավոր հետախույզ Համզա Թուրհան Այբերքը՝ նախկին պետական ծառայող, որը պարբերաբար հրավիրվում էր տեղական հեռուստաալիքների առավոտյան եթերներին։ Հետաքննությունը պարզել է, որ նա իսրայելական հետախուզությանը տեղեկություններ է տրամադրել փողի դիմաց, այդ թվում՝ տեղեկություններ Թուրքիայում Մերձավոր Արևելքն ներկայացնող անհատների և ընկերությունների գործունեության մասին։ Հատուկ հսկողության սարքավորումների օգնությամբ նա վերահսկել է նրանցից մի քանիսին և տվյալներն օպերատիվ ձևով փոխանցել Մոսադին։ Նշվում է նաև, որ Այբերքն 2019թ.-ին այս աշխատանքի համար վերապատրաստվել է Բելգրադում։
Հարակից հրապարակումներ`
- Իրանում մահապատժի են ենթարկել Մոսադի հետ համագործակցած օպերատիվ խմբի 4 անդամի
- Իրանը հայտնել է Մոսադի շահերի համար աշխատող խմբի ձերբակալության մասին
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան