Քաղաքագետ. Ստեղծված իրավիճակում հայ-ադրբեջանական լավ պայմանագիր լինել չի կարող
«Անթալիայում Թուրքիայի գրեթե բոլոր պաշտոնյաները բաց տեքստով ասացին՝ իրենք դեմ չեն Հայաստանի հետ հարաբերությունների կարգավորմանը, բայց դրա ժամանակը կհասունանա, երբ Ադրբեջանի հետ հարաբերություններում առաջընթաց լինի։ Այս գործընթացները միշտ են փոկապակցված եղել, ուղղակի հիմա դրա մասին բացահայտ է խոսվում»,-Panorama.am-ի հետ զրույցում ասաց քաղաքագետ Սուրեն Սուրենյանցը՝ պատասխանելով Անթալիայի դիվանագիտական ֆորումից հետո հայ-թուրքական հարաբերությունների հնարավոր զարգացումների մասին հարցին։
Նրա խոսքով, հայ-թուրքական հարաբերություններում մոտ ապագայում էական առաջընթաց չենք տեսնի, կլինեն հանդիպումներ, տեխնիկական բնույթի քննարկումներ։
«Հայ-թուրքական հարաբերություններում էական առջընթաց կարող ենք ունենալ մի քանի հանգամանքից հետո։ Առաջինը հայ-ադրբեջանական հարաբերությունների կարգավորումը, հետո Հայաստանը պետք է կարողանա հաղթահարել Ռուսաստանի հետ հարաբերություններում առկա ճգնաժամը, քանի որ ռեգիոնալ բոոր գործընթացները փոխկապակցված են։ Երկրորդ, Անթալիայում ուշագրավ էր Տոյվո Կլաարի հայտարարությունը, որը բաց տեքստով փաստացի հասկացրեց, որ Հայաստանի արևմտյան ինտեգրացիայի ճանապարհն անցնում է Թուրքիայով՝ Թուրքիային վերապահելով ռեգիոնալ լիդերի դեր։ Ես գիտեմ, որ այս արձանագրումը մեր արևմտամետներին դուր չի գալու, բայց դրանից իրականությունը չի փոխվում։ Երբ մեր արևմտամետներն անըդհատ նշում են, որ ռուսական ազդեցությունը կարող են փոխարինել արևմտյան ազդեցությամբ, մեղմ ասած պատրանք է, քանի որ կտրուկ շրջադարձը Հայաստանին տանելու է ոչ թե Արևմուտք, այլ մեծ կախվածության Թուրքիայից»,-ասաց Սուրեն Սուրենյանցը։
Հարցին, թուրքական ու ադրբեջանական կողմերի հայտարարություններից դատելով՝ նրանք չեն շտապում Հայաստանի հետ հարաբերությունների կարգավորման գնալ, ո՞րն է պատճառը, Սուրենյանցն արձագանքեց.
«Նրանք կարծում են, որ մինչև ստատուս քվոյի ամրագրումը Հայաստանից էական զիջումների հնարավորություն դեռևս ունեն։ Իրենք ուզում են հարաբերությունները փաստաթղթավորել այն ժամանակ, երբ կարողացել են Հայաստանից կորզել առավելագույնը։ Տեսնում են, որ առայժմ Հայաստանից կարող են զիջումներ կորզել։ Հայաստանի համար ստեղծված իրավիճակում չի կարող լինել հայ-ադրբեջանական լավ պայմանագիր»։
Մանրամասները՝ ձայնագրությամբ։
Հարակից հրապարակումներ`
- Քաղաքագետ. Եթե Ռուսաստանն անի այդ քայլերը, ապա Հայաստանում շատ կարճ ժամանակում իշխանափոխություն տեղի կունենա
- Երևանի և Բաքվի միջև խաղաղության գործընթացի հասնելու համար անձնական հանդիպումները կարևոր են. Բայրամով
- Հայաստանը պատրաստ է Թուրքիայի հետ հարաբերությունների լիակատար կարգավորման և սահմանի բացման. Ռուբինյան
- Ի՞նչ է հուշում Կլաարը
- Սերդար Քըլըչը Ռուբինյանին առաջարկեց հանդիպել հաջորդ շաբաթ Երևանում
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
