Նիկոլ Փաշինյանն այնքան «տաղանդավոր» գտնվեց, որ կարողացավ միավորել բոլոր ընդդիմադիրներին․ Սուրենյանց
«Դեմոկրատական այլընտրանք» կուսակցությունը նախաձեռնել է հավաք՝ ներկայացնելով իշխանափոխության ճանապարհային քարտեզի տեսլականը։
«Այս հավաքը նվիրված է երկրում ստեղծված իրավիճակին և առաջարկվող ելքերին։ Մենք գտնվում ենք օրհասական վիճակում, երբ հապաղելը հավասարազոր է կանաչ լույս վառել երրորդ հանրապետության ինքնասպանության համար։ Առանց չաազանցության՝ այդ հանգրվանում ենք»,- իր ելույթում ասաց «Դեմոկրատական այլընտրանք» կուսակցության նախագահ Սուրեն Սուրենյանցը։
Սուրենյանցը դիմելով ներկաներին առաջարկեց գալ ընդհանուր հայտարարի մեկ հարցի շուրջ՝ պայքարը չեն դադարեցնելու,քանի դեռ երկիրն ազատված չէ Նիկոլ Փաշինյանի իշխանությունից։
«Շատերն ունենք հակասություններ, աշխարհընկալման և այլ հարցերում ունենք բազմաթից հակասություններ, սակայն բոլորիս միավորում է նույն մտահոգությունը։ Այսինքն՝ Նիկոլ Փաշինյանն այնքան «տաղանդավոր» գտնվեց, որ կարողացավ բոլոր ընդդիմադիրներին միավորել։ Մի քանի տարի առաջ անհնար էր պատկերացնել, որ այդքան տարբեր քաղաքական հայացքների տեր մարդիկ նույն դահլիճում կարող են համախմբվել»,- նշեց ԴԱԿ նախագահը։
Ըստ Սուրենյանցի՝ Նիկոլ Փաշինյանը վեց տարվա ընթացքում ճակատագրական երկու սխալ է արել, իսկ մնացած սխալները դրանց հետևանքն են։
«Առաջին սխալը՝ նախապատերազմյան փուլում էր, երբ նա ընդդիմացավ տրամաբանությանը, ռացիոնալությանը, բանականությանը և մերժեց 2019թ․-ի մայիսին իր սեղանին դրված արժանապատիվ խաղաղության տեսլական ու բաղադրիչ ունեցող պլանը։ Այն հայտնի է «Լավրովի պլան» անունով, որը բոլոր համանախագահների կոնսոլիդացված տարբերակն էր։ Հավաստիացնում եմ՝ 2019թ․-ի մայիսին նրա սեղանին դրված է եղել այդ նախագիծը։ Նիկոլ Փաշինյանը ոչ միայն մերժել է այդ նախագիծը, այլև, ի տարբերություն իր նախորդների, գնացել է աննախադեպ արկածախնդրության, որը հավասարազոր է դավաճանության։ Նա ընդհանրապես մերժել է բանակցային հարթակը , հրաժարվել է բանակցել, ինչն արհամարհանք էր ՄԱԿ-ի անվտանգության խորհրդի անդամ երեք ազդեցիկ պետությունների՝ ԱՄՆ, ՌԴ և Ֆրանսիայի նկատմամբ»,- հավելեց նա՝ թվարկելով Փաշինյանի կողմից արված հայտարարությունները։
Անդրադառնալով Հունաստան-Կիպրոս համագործակցությանը միանալու Փաշինյանի կողմից արված հայտարարությանը, Սուրենյանցն ընդգծեց, որ այս արկածախնդիր հայտարարությունը ևս նպաստեց Ադրբեջանի ագրեսիվ օրակարգի կյանքի կոչմանը։
«Նախկին Թուրքիայի ԱԳ նախարարը, որն իր ատենախոսությունը պաշտպանել է հայկական թեմայով, հայտարարեց, որ Հայաստանն անցել է բոլոր կարմիր գծերը , որով էլ լեգիտիմացվեց Թուրքիայի հետագա մասնակցությունը 44-օրյա պատերազմին։ Եկեք արձանագրենք ՝Նիկոլ Փաշինյանն իր քաղաքականությամբ կանաչ լույս վառեց Ադրբեջանի ագրեսիվ օրակարգի համար։ Նա դաձավ պատճառ՝ 5000 մեր եղբայրների նահատակության համար։ Այս ավերը հանգեցրեց մեր պարտությանը»,- հավելեց Սուրենյանցը։
Ավելի մանրամասն՝ տեսանյութում։
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
