Ձեր վստահելի աղբյուրը

Երևանի ավագանու առաջիկա նիստում կքննարկվի և հավանաբար կընդունվի միասնական տոմսային համակարգի լրամշակված նախագիծը, որի հետևանքով էական չափով կթանկանա ուղեվարձը։ 

Դրա հիմնավորումների,  թանկացման հետևանքների վերաբերյալ Panorama.am-ը զրուցել է «Իրազեկ և պաշտխանված սպառող» ՀԿ-ի նախագահ Բաբկեն Պիպոյանի հետ։

Panorama.am-Ինչպե՞ս եք գնահատում այս որոշումը, արդարացվա՞ծ է այն, արժանահավա՞տ են տրանսպորտի թանկացման վերաբերյալ քաղաքապետարանի ներկայացրած հիմնավորումները։

Բաբկեն Պիպոյան-Քաղաքապետարանը միանշանակ սխալ է անում։ Ձեզ հետ զրույցում արդեն նշել էի, որ սա իրենց սարքած բորշն եփելու փորձ է։ Տրանսպորտային համակարգում կամայական միջամտությաւն գալիս է ապացուցելու, որ մենք առնվազն իչ-որ էտապ չենք քննարկելու տրանսպորտային համակարգի իրական բարեփոխման ծրագիրը, քանի որ նոր տրանսպորտային համակարգն մաբողջությամբ՝ իր մոդելով, տրամաբանությամբ տարբերվում է այսօրվա գործող մոդելից։
Տրանսպորտային համակարգում միայն շարժակազմերը չեն՝ այն մեծ, ամվողջական համակարգ է՝ իր ենթակառուցվածքներով, կանգառներով և այլնով։ Երբ մենք քննարկում են ք տրանսպորտի գին, պետք է հասկանանք ինքնարժեքը, ապա հասկանանք, թե ով է այն փակում, ամբողջությամբ քաղաքացի՞ն, թե՞ մի մասը քաղաքացին, մի մասը՝ քաղաքապետարանը, թե՞ գտնում ենք այլ տարբերակներ։ Այսօրվա համակարգն օպտիմալ տարբերակը չէ, որի ինքնարժեքը հաշվելու համար բարոյական իրավունք ունենանք։ Ինքը սխալ աշխատող, ոչ օպտիմալ համակարգ է։ Տրանսպորտի գնի ու ինքնարժեքի մասին կարող ենք խոսել, երբ կատարենք  տրանսպորտի իրական բարեփոխում։
Մի օրինակ նշեմ։ Տրանսպորտային նոր ցանցի պարագայում  դեպքում մեկ շարժակազմը տարեկան կտրվածքով երթևեկելու է  տարեկան  երեք անգամ ավելի քիչ, քան երթևեկում է այսօր։

Panorama.am-Սա նաև նշանակում է  ծախսի կրճատում։

Բաբկեն Պիպոյան -Բնականաբար, ոչ միայն վառելիքի ծախսն է կրճատվում, այլ ամորտիզացիոն ծասխը։ Դրան գումարած շարժակազմը նախատեսում ենք օգտագործել տասը տարի, սակայն չոր տարի հետո տեսնում ենք, որ շարժակազմը վատ վիճակում է։ Երևանի քաղաքապետարանն ասում է, տեսեք մեր բնակիչներն ինչքան վատն են, համայնքային գույքին վատ են վերաբերվում, դրա համար շարժակազմը չորս տարում վարի գնաց, ընդդիմությունն ու հասարակությունն ասում են, որ դա փոսերից է։ Շատ քչերն են լինում, որ ասում են՝  երկուսին էլ առարկություն չունենք, բայց ինչո՞ւ չեք ասում, որ չորս տարվա ընթացքում շարժակազմն աշխատել է 15 տարվա չափով։ Շատ է շահագործվել, մաշվել է։
Հիմա մենք ունենք սխալ ինքնարժեք, որն իմաստ էլ չունի հաշվել։ Իսկ եթե հաշվում ենք, նշանակում է, որ չենք ուզում ունենալ բարեփոխված տրանսպորտ։ Ես քաղաքապետարանում հրավիրված լսումների ժամանակ էլ ասացի՝ չի կարելի սխալ ուղղությամբ գնալ, քանի որ այսօր իշխանությունների նպատակը ոչ թե լավ համակարգ ներդնելն է, այլ վատ համակարգի տակից դուրս գալը։ Քաղաքապետարանի սխալի հետևանքով չպետք է քաղաքացին վճարի, ավելին, դոտացիա էլ չպետք է տրամադրվի, քանի որ դա նրանց սխալն է։ Մենք պետք է դեմ լինենք սխալ աշխատող համակարգին։
Ինչ որ մեկը հարց տվե՞լ է, ավտոբուսի պարկի տնօրենը քանի՞ օգնական ունի, նրանց աշխատավարձն ինքնարժեքի մեջ մտցրե՞լ եք, քանի՞ խորհրդական ունի, էդ խորհրդականները քանի՞ օգնական ունեն, իրենց ի՞նչ գնի կռեսլո եք առել։ Այս ամենը մտցրե՞լ եք ինքնարժեքի մեջ։ Սրանք բոլորը գործոններ են, չէ՞։

Panorama.am-Ուղեվարձի վերաբերյալ քաղաքապետարանի առաջարկած փոփոխություններն ուժի մեջ մտնելուն պես առաջին հերթին հարվածելու են սպառողների գրպանին։

Բաբկեն Պիպոյան-Կա շատ կոնկրետ հաշվարկ։ 94 տոկոսի դեպքում քաղաքացին Ա կետից Բ կետ հասնում է  առանց տեղփոխի։ Աշխատանքի գնացող մարդկանց 94 տոկոսը տրանսպորտից օգտվում է երկու անգամ՝ մի հատ առավոտյան, մեկ անգամ տուն գնալիս, էլ տնից դուրս չի գալիս։ Աշխատանքային օրերով հաշվեք՝ 22X200=4400, հիմա առաջարկում են դարձնել 8800 դրամ, կրկնակի փոփով թանկացնում են։

Հարցազրույցն ամբողջությամբ՝ ձայնագրությամբ։